Il-Politika tal-Privatezza tagħna se tibda' tiġi applikata mis-6 t'Awwissu 2018. Minn dal-jum 'il quddiem, dil-Politika tal-Privatezza tista' titqies li tipprovdi dettalji dwar il-privatezza u kif nimmaniġjaw l-informazzjoni personali tiegħek għall-prodotti u s-servizzi tal-għodda tat-tlugħ POCO.
Jekk jogħġbok ħu ftit ħin sabiex tiffamiljarizza lilek innifsek mal-prattiċi ta' privatezza tagħna u għidilna jekk għandek xi mistoqsijiet.
Din il-Politika tal-Privatezza tfassal kif Xiaomi Inc. u l-kumpaniji affiljati tagħha fil-Grupp Xiaomi ("Xiaomi", "aħna", "tagħna" jew "aħna") jiġbru, jużaw, jikxfu, jiproċessaw u jħarsu kull informazzjoni li ttina meta tuża l-prodotti tal-għodda tat-tlugħ POCO u s-servizzi tagħhom. Jekk tintalab tipprovdi ċerta informazzjoni li tista' tintuża biex tidentifikak meta tkun qed tuża il-prodotti u s-servizzi tal-għodda tat-tlugħ POCO, din ser tintuża skond dil-Politika tal-Privatezza u/jew it-termini u l-kundizzjonijiet tagħna għall-utenti.
Il-Politika tal-Privatezza saret waqt li inti kont fi ħsiebna u għalhekk importanti li tifhem sew kif niġbru l-informazzjoni personali u kif nużawha, kif ukoll importanti li tifhem li fl-aħħar mill-aħħar għandek il-kontroll ta' kull informazzjoni personali li tagħti lil Xiaomi.
F'dil-Politika tal-Privatezza, l-"informazzjoni personali" tfisser informazzjoni li tista' tiġi użata biex direttament jew indirettament tidentifika individwu, jew minn dik l-informazzjoni biss jew minn dik l-informazzjoni flimkien ma' informazzjoni oħra li Xiaomi għandha aċċess għaliha dwar dak l-individwu. Tali informazzjoni personali jaf tinkludi ismek u kunjomok, l-indirizz tiegħek, in-numru tat-telefown u l-indirizz tal- emejl.
Meta tuża l-prodotti u s-servizzi tal-għodda tat-tlugħ POCO, qed inqisu li qrajt, fhimt u aċċettajt id-dispożizzjonijiet kollha mniżżla f'dil-Politika tal-Privatezza, bit-tibdiliet li jistgħu isiru minn żmien għal żmien. Aħna kommessi li nħarsu l-privatezza, l-kunfidenzjalità u s-sigurtà tal-informazzjoni personali tiegħek billi nsegwu l-liġijiet (inklużi l-liġijiet lokali dwar il-ħarsien tad-dejta), u fl-istess ħin impenjajna ruħna biex niżguraw li l-impjegati u l-aġenti kollha tagħna jagħmlu l-istess.
Fl-aħħarnett, dak li nixtiequ huwa l-aqwa għall-utenti kollha tagħna. Jekk ikollok xi dubji dwar kif inħarsu d-dejta skond dil-Politika tal-Privatezza, jekk jogħġbok ikkuntattja lil privacy@xiaomi.com biex tiċċara d-dubji tiegħek. Aħna ser inkunu kuntenti li nindirizzawhom direttament.
Sabiex nipprovdulek is-servizzi tagħna, se nitolbuk ittina l-informazzjoni personali tiegħek meħtieġa biex nipprovdulek dawk is-servizzi. Jekk ma ttiniex l-informazzjoni personali tiegħek, jaf ma nkunux nistgħu nipprovdulek il-prodotti jew is-servizzi tagħna.
Aħna nistgħu niġbru t-tipi li jmiss ta' informazzjoni (li tista' tkun jew ma tkunx informazzjoni personali):
L-informazzjoni personali tinġabar biex tipprovdilek servizzi u / jew prodotti u biex nagħmlu dmirna fejn obbligati bil-liġi. Inti taqbel li nistgħu nipproċessaw u naqsmu l-informazzjoni personali tiegħek mal-kumpaniji affiljati tagħna kif ukoll ma' terzi fornituri tas-servizzi (kif spjegat hawn isfel) għar-raġunijiet imsemmija f'dil-Politika tal-Privatezza.
Nistgħu nużaw l-informazzjoni personali tiegħek għall-iskopijiet li ġejjin:
Hawn huma aktar dettalji dwar kif aħna nużaw l-informazzjoni tiegħek (li tista' tinkludi informzzjoni personali):
Ma nbiegħu ebda informazzjoni personali lil partijiet terzi.
Sabiex nagħtuk aċċess għall-faċilitajiet kollha tal-prodotti u s-servizzi li noffru fuq il-pjattaforma tagħna, nistgħu naqsmu, minn żmien għall-ieħor, l-informazzjoni personali tiegħek ma' fornituri terzi. Per eżempju, s-servizzi tal-cloud u l-analiżi tad-dejta iffukati biex intejjbu l-esperjenza tiegħek fuq il-pjattaforma tagħna huma pprovduti minn Firebase u SENSORS Data. Żomm f'moħħok li Xiaomi taqsam l-informazzjoni personali tiegħek biss meta inti tagħtiha permess. Il-permess mogħti lil Xiaomi jinkludi wkoll permess biex il-kuntratturi tagħna jipproċessaw l-informazzjoni personali tiegħek. Dawn il-fornituri terzi jistgħu jipproċessaw l-informazzjoni personali tiegħek għal waħda jew iktar mir-raġunijiet imsemmija hawn fuq kif ukoll an nom ta' Xiaomi. Jekk ma tixtieqx li nkomplu naqsmu l-informazzjoni personali tiegħek magħhom, ikkuntattja lil privacy@xiaomi.com biex tgħarrafna b'dan.
L-informazzjoni personali ser tinżamm għal kemm iddum meħtieġa biex taqdi l-għan li għalih inġabret jew skond il-limiti mponuti mil-liġijiet lokali. Aħna se nieqfu nżommu, jew se nneħħu l-proċess li bih l-informazzjoni personali tista' tiġi assoċjata ma' individwi partikolari hekk kif, b'mod raġjonevoli nindunaw li l-għan li għalih inġabret dik l-informazzjoni personali m'għadux jintlaħaq biż-żamma ta' dik l-informazzjoni personali.
Dil-Politika tal-Privatezza tiddeskrivi l-prodotti u s-ervizzi tal-għodda tat-tlugħ POCO. F'każ ta' diżgwid bejn il-Politika tal-Privatezza Xiaomi u din il-Politika tal-Privatezza, dil-Politika tal-Privatezza tieħu prijorità. Għat-termini u kundizzjonijiet mhux imsemmija f'dil- Politika tal-Privatezza, il-Politika tal-Privatezza Xiaomi tieħu prijorità.
Jekk għandek xi kummenti jew mistoqsijiet dwar dil-Politika tal-Privatezza jew xi mistoqsijiet dwar kif Xiaomi tiġbor, tuża jew taqsam mal-oħrajn l-informazzjoni personali tiegħek, jekk jogħġbok ikkuntattja l-Uffiċjal tal-Protezzjoni tad-Dejta fuq l-indirizz t'hawn taħt u għamel referenza għall- "Politika tal-Privatezza":
Xiaomi Singapore Pte.Ltd.
20 Cross Street, China Court #02-12
Singapore 048422
Emejl: privacy@xiaomi.com
Grazzi tal-ħin li ħadt biex tifhem il-Politika tal-Privatezza tagħna!
L-għodda tat-tlugħ POCO (minn hawn 'il quddiem magħrufa bħala "il-Prodott") hija applikazzjoni tal-mowbajl maħluqa, mħaddma u ta' propjeta' ta' Xiaomi Inc., kumpanija inkorporata taħt il-liġijiet taċ-Ċina bl-indirizz Rainbow City Office Building, 68 Qinghe Middle Street Haidian District, Beijing 100085 Iċ-Ċina, u l-imsieħba tagħha fil-Grupp Xiaomi (magħrufa f'daqqa bħala "Xiaomi" jew "aħna"). Il-Ftehim tal-Utent tal-għodda tat-tlugħ POCO (il-"Ftehim") huwa bejnek (jew l-"Utent", ċioe kull individwu jew entità li tuża l-Prodott) u Xiaomi fejn jidħol dak li għandu x'jaqsam il-Prodott u s-servizzi relatati.
Jekk jogħġbok aqra dal-Ftehim sew u kollu, speċjalment, imma mhux biss, iċ-Ċaħda u l-Limitazzjoniji tar-Responsabbiltà, Indennità, ara li tifhmu sew u agħżel taċċettax jew le dal-Ftehim (persuni taħt l-età għandhom jaqraw dal-Ftehim mal- gwardjan legali tagħhom). Xiaomi tista' tissospendi jew tieqaf tipprovdilek il-Prodott jekk ma ssegwix it-termini jew il-politika tagħna. Meta tirreġistra, tidħol u tuża s-Servizzi, kif ukoll tinteraġixxi magħhom bi kwalunkwe mod ieħor, se nqisu li qrajt u fhimt u taqbel li taċċetta u tintrabat bit-termini u l-kundizzjonijiet ta' dan il-Ftehim, kif ukoll ma' kwalunkwe ftehim u regoli oħra li għandhom x'jaqsmu ma' dan il-Ftehim.
Meta taċċetta dal-Ftehim, qed taqbel li taċċetta l-limitazzjonijiet kollha, inkluż id-dritt ta' Xiaomi li tbiddel it-termini ta' dal-Ftehim meta trid mingħajr ma tavżak. Tista' tidħol fil-Prodott kull meta trid biex tiċċekkja l-aħħar Ftehim tal-Utent. Jekk ma tistax taċċetta xi parti milli bdilna, obbligat li tieqaf tuża l-Prodott. Meta tkompli tuża l-Prodott, qed taqbel li taċċetta u tintrabat bil-bidliet fit-termini ta' dal-Ftehim.
L-għodda tat-tlugħ POCO hija sistema operativa sħiħa għat-telefown magħmula minn Xiaomi. Billi hija ħafifa, tista' tipprovdi prestazzjoni għolja u ħafna għażliet personalizzati. Fl-istess ħin, l-għodda tat-tlugħ POCO tipprovdi pakkett sħiħ ta' sigurtà biex tiżgura ambjent tal-użu iktar privat. Dawn huma l-karatteristiċi prinċipali tal-għodda tat-tlugħ POCO:
1.1 Immaniġjar tal-Applikazzjonijiet/Apps
L-għodda tat-tlugħ POCO tipprovdi lill-utenti ħafna modi kif jistgħu
jorganizzaw u jfittxu l-apps fuq it-tagħmir tagħhom. Per eżempju, l-apps kollha huma merfugħa fil-kexxun tal-apps
biex l-iskrin prinċipali jinżamm organizzat u nadif. L-utenti jirċievu wkoll suġġerimenti intelliġenti biex
jinstallaw apps li jafu jiġu bżonn. L-apps li ġew installati ftit żmien ilu jintwerew fuq il-parti ta' fuq
tal-kexxun u b'hekk tkun iktar faċli ssibhom. L-apps huma miġbura wkoll skond il-kategoriji tagħhom. L-apps jistgħu
ukoll jinġabru skond il-kulur tal-ikona tagħhom, li għalkemm mhux mod tas-soltu kif tiġbor l-apps, jgħinnek issibhom
malajr meta tiġi bżonnhom.
1.2 Personalizzazzjoni tad-desktop
L-għodda tat-tlugħ POCO toffri numru kbir ta' għażliet fejn tidħol
il-personalizzazjoni tad-desktop. Matul it-twaqqif tal-bidu, l-utenti jistgħu jagħżlu wallpapers sbieħ. Jistgħu
ukoll iqallbu, jniżżlu u jużaw temi u wallpapers differenti mill-ħanut tat-temi tagħna.
It-temi jħalluk ukoll tibdel is-settijiet tal-ikoni ma xi ħaġa ħafna iktar eċitanti. L-irranġar tal-apps fuq
id-desktop isir b'mossi faċli: tista' tiffiltra u tkaxkar l-apps biex tirranġhom kif trid.
1.3 Faċilitajiet bażiċi tas-sistema
Il-faċilitajiet bażiċi tas-sistema huma iktar konvenjenti u interessanti
fl-għodda tat-tlugħ POCO: il-wiġit tal-arloġġ hija ċara u turik il-ħin u d-dejta b'mod li dejjem tista' tarhom,
it-toggils mhux diffiċli biex issibhom, u n-notifikazzjonijiet iħalluk taqra l-messaġġi mhux moqrija mill-ewwel.
1.4 Privatezza u sigurtà
Fost il-faċilitajiet kollha tal-privatezza u s-sigurtà fl-għodda tat-tlugħ POCO,
teżisti waħda li tħallik taħbi ċertu apps sabiex int biss tkun tista' tarhom u tużhom.
2.1 Meta tkun qed tuża dal-prodott, se tkun qed taċċessa prodotti jew servizzi minn partijiet terzi:
2.2. Inti tifhem li l-partijiet terzi li jipprovdu das-servizzi jafu jitolbuk għad-dejta personali tiegħek. Kull meta tippjana li tuża servizz, Xiaomi se jurik dal-ftehim u r-regoli b'mod ċar biex tkun tista' terġa' tara u taqbel. Ladarba tibda tuża das-servizzi msemmija, tiġi meqjus li fhimt u qbilt li tintrabat bil- ftehim u r-regoli tas-servizzi relatati. Xiaomi tixtieq tfakkrek biex tara li qrajt il-ftehim tal-utent, il-politika tal-privatezza u d-dokumentazzjoni l-oħra kollha tal-partijiet terzi, tipprovdi d-dejta personali skond il- bżonnijiet tiegħek u tara li d-dejta personali mħarsa kif suppost. Jekk għandek xi tilwima jew issofri xi telf minħabba l-użu tal-prodotti jew servizzi tal-partijiet terzi, għandek tara kif issolvi dat-tilwim jew tirkupra d-danni mal-partijiet terzi involuti fil-każ. Xiaomi m'għandha l-ebda kontroll fuq il-prodotti jew is-servizzi tal-partijiet terzi u inti qed tifhem u taqbel li Xiaomi m'hux ser tieħu l-ebda responsabbiltà legali għat-tilwim jew it-telf tiegħek.
3.1 Uħud mis-Servizzi tagħna jeħtieġu l-WIFI jew id-dejta tal-mowbajl biex jintużaw. Int se tkun responsabbli għall-ispejjeż kollha tal-komunikazzjoni jew l-ispejjeż tal-operaturi terzi. Inħeġġuk tikkuntattja l-operatur tiegħek biex issir taf iktar dwar it-tariffi tas-servizzi ta' valur li tagħmel użu minnhom.
4.1 Tista' tuża l-Prodott u s-servizzi li jistgħu jiġu provduti minnu skond ma tippermetti l-liġi. Inti taqbel li ma tużax il-Prodott għal skopijiet li jmorru kontra l-liġi, huma llegali jew li huma projbiti minn dawn it-Termini tal-Użu jew xi liġijiet oħra. Xiaomi żżomm id-dritt, illi skond l-opinjoni tagħha, f'kull waqt u mingħajr ebda avviż jew danni, tissospendi, tneħħi jew tillimita l-aċċess tiegħek għall-Prodott (jew partijiet minnu) jekk tiskopri jew tiġi nfurmata li ksirt dal-Ftehim jew xi liġijiet li għandhom x'jaqsmu miegħu.
4.2 Inti tifhem u taqbel ma' dawn li ġejjin:
4.3 Inti taqbel ukoll li mhux ser:
4.4 Kull informazzjoni provduta minnek se tiġi trattata skond it-termini tal-Politika tal-Privatezza. It-termini tal-Politika tal-Privatezza jiffurmaw parti minn dal-Ftehim u se tinżamm obbligat lejhom il-ħin kollu.
5.1 Xiaomi għandha d-dritt legali fejn tidħol l-informazzjoni li tinsab f'dan il-Prodott u hija mħarsa bid-drittijiet tal-proprjetà intellettwali jew liġijiet u regolamenti oħra, inklużi dawk tal-proprjetà, drittijiet tal-proprjetà intellettwali (anke jekk dad-drittijiet ġewx magħmula f'liġi apposta u anke jekk ma jeżistu imkien fid-dinja) u interessi oħra simili. Mingħajr il-permess bil-miktub ta' Xiaomi, ħadd ma jista' juża (inklużi monitoraġġ, ikkupjar, tqassim, wiri, kopja murija, tlugħ jew tniżżil bir-robots, brimb tal-internet u programmi jew tagħmir ieħor) jikkopja dal-Prodott jew juża dal-Prodott għal raġunijiet oħra.
5.2 Xiaomi ttik liċenzja limitata biex taċċessa u tuża l-prodott għal użu personali u mhux kummerċjali. Din il-liċenzja ma tistax tgħaddi għand ħaddieħor u ma ttikx id-dritt li tniżżel, tikkopja, toħloq xogħol derivat minn, tbiddel, tagħmel reverse engineering, iżżarma jew b'xi mod tipprova tiskopri l-kodiċi tas-sors, tbiegħ, tgħaddi lil ħaddieħor, taqsam il-liċenzja, tagħti interess tas-sigurtà jew tgħaddi xi dritt għall-Prodott li ġejt provdut. M'għandekx id-dritt li tuża l-ebda isem, trademark, marka tas-servizz, logo, isem tad-dominju jew xi ħaġa li tfakkar fil-marka ta' Xiaomi. Ħlief fejn ġie indikat b'mod ċar fil-Ftehim, l-ebda parti minn dan il-Prodott ma tista' tiġi kkupjata, riprodotta, pubblikata mill-ġdid, imtella', ppustjata, murija fil-pubbliku, kodifikata, tradotta, mibgħuta jew imqassma bl-ebda mod (inkluż kopja tal-wiri - "mirroring") lill-ebda kopmjuter, server, sit jew mezz ta' publikazzjoni jew distribuzzjoni jew tintuża għal xi intrapriża kummerċjali mingħar il-permess ċar ta' Xiaomi bil-miktub. Kull użu mhux awtorizzat tal-Prodott jista' jwassal biex il-liċenzja li ngħatatlek minn Xiaomi tiġi mmedjatament meħuda lura.
6.1. La Xiaomi u lanqas int ma tkunu responsabbli għal xi danni li jirriżultaw minn nuqqas jew dewmien fil-qadi tal-obligazzjonijiet mifthema f'dan il-Ftehim meta dan seħħ għal raġunijiet barra l-kontroll tal-partijiet ("Avveniment ta' Forza Maġġuri").
6.2 Jekk l-Avveniment ta' Forza Maġġuri jkompli, kull parti għandha dritt twaqqaf dal-Ftehim jew tissospendi l-qadi ta' kull obbligazzjoni mifthema f'dal-Ftehim u tkompli l-qadi tal-obligazzjonijiet wara li jintemm l-Avveniment ta' Forza Maġġuri. Iż-Żewġ partijiet għandhom jieħdu passi raġjonevoli biex iwaqqfu l-Avveniment ta' Forza Maġġuri jew isibu soluzzjoni fejn l-obligazzjonijiet tagħhom jistgħu jibqgħu jinqdew anke jekk l-Avveniment ta' Forza Maġġuri ma jintemmx.
7.1 Il-Prodott u l-kontenut tiegħu kollu huma provduti "kif inhuma" u "kif disponibbli" mingħajr ebda rappreżentazzjoni jew garanziji, diretti jew impliċiti ħlief meta indikat mod ieħor bil-miktub. Xiaomi espressament tiċħad kull garanzija ta' kull tip, kemm diretta kif ukoll impliċita, inklużi l-garanziji impliċiti ta' stat li jinbiegħ, kapaċità li jaqdi xi skopijiet partikolari, titlu, nuqqas ta' vjolazzjoni, u sigurtà u eżattezza, kif ukoll garanziji ġejjin mill-użanzi tan-negozju, mill-użanzi tan-negozjar kif ukoll dawk tal-operat. Xioami bl-ebda mod ma tiggarantixxi illi: (i) il-kontenut tal-Prodott se jkun aġġornat, komplut, komprensiv, eżatt jew ikun dak li għandek bżonn fiċ-ċirkostanzi tiegħek; (ii) il-Prodott jilħaq il- bżonnijiet tiegħek jew li jkun disponibbli mingħajr interruzzjonijiet, fil-ħin li għandek bżonnu, mħares u ma jkollux żbalji; (iii) ir-riżultati li jaf tikseb bl-użu tal-Prodott jew xi servizzi offruti mill-Prodott se jkunu eżatti jew ta' min joqgħod fuqhom; jew (iv) il-kwalità tas-servizzi, l-informazzjoni jew xi materjal ieħor li tikseb bl-użu tal-Prodott se jilħaq l-aspettattivi tiegħek
7.2 Minkejja l-fatt li jista' jkun hawn miktub xi mkien ieħor bil-kontra, la Xiaomi u lanqas sħabhom fin-negozju jew l-uffiċjali, d-diretturi, l-impjegati jew partijiet terzi relatati m'għandhom ebda' responsabbiltà għal xi danni indiretti, inċidentali, speċjali jew konsegwenzjali jew għal xi telf ta' dħul jew profitti li seħħ minħabba dan il-Ftehim, anke jekk Xiaomi ġew avżati minn qabel rigward xi danni li jistgħu jew ser iseħħu.
73. Sal-limitu massimu permess mil-liġi, inti taqbel li tneħħi, ċċedi u ma żżommx lil Xiaomi, sħabhom fin-negozju, u kull wieħed mid-diretturi tagħhom, flimkien mal-uffiċjali u l-impjegati, responsabbli għal kull talba, telf, danni, ħsarat, spejjeż u ma tqishomx kawża għal azzjonijiet li seħħew bl-użu tiegħek tal-Prodott.
Inti se tindennizza u ma tfittixx lil Xiaomi, lil sħabhom fin-negozju kif ukoll lill-uffiċjali, diretturi, aġenti, u impjegati tagħhom minn kull u kontra kull talba, kawża, talbiet, irkupri, telf, ħsarat, multi, penali jew spejjeż oħra jew spejjeż ta' kull natura jew xorti, inklużi spejjeż raġjonevoli tal-avukati, li jseħħu riżultat tal-ksur tiegħek ta' dal- Ftehim, tal-Politika tal-Privatezza jew ksur minn naħa tiegħek tal-liġijiet jew id-drittijiet ta' parti terza jew jirriżultaw mill-użu tiegħek tal- Prodott.
Dal-Ftehim se jkun regolat, interpretat u mibni skond il-liġijiet taċ-Ċina. Kull tilwima li tqum minħabba dal-Ftehim se tiġi regolata mill-qrati li għandhom ġurisdizzjoni fuq il-post fejn Xiaomi għandha domiċilju.
10.1 Jekk xi partijiet minn dal-Ftehim huma invalidi jew ma jistgħux jiġu nfurzati għal kwalunkw raġuni, il-bqija tal-Ftehim xorta ser jibqa' legalment validu bejnek u bejn Xiaomi.
10.2 Dan il-Ftehim jista' jkun provdut biċ-Ċiniż, l-Ingliż u ilsna oħra. Jekk il-verżjonijiet ma jaqblux bejn l-ilsna, il-verżjoni Ingliża tieħu prijorità.
10.3 Jekk għandek xi mistoqsijiet dwar il-Prodott jew dan il-Ftehim, jekk jogħġbok ikkuntatja lil: poco-global@xiaomi.com.
L-Aħħar Aġġornament: 6 t'Awwissu 2018