Canto a exposición a RF e as taxas de absorción específicas

Canto a exposición a RF e as taxas de absorción específicas O teu dispositivo emite niveis de enerxía de radio frecuencia baixos (RF) cando está aceso ou cando as funcionalidade de Wi-Fi® ou Bluetooth® están activadas. A exposición á enerxía RF dos dispositivos é cuantificada por unha unidade de medida chamada Taxa de Absorción Específica (SAR). Os valores SAR deste dispositivo cumpren coas normas internacionais e están por baixo dos límites especificados nos requirimentos.

A información dos datos SAR e fornecida polos residentes dos países que teñen adoptados os límites SAR recomendados pola Comisión Internacional de Protección á Radiación Non Ionizada (ICNIRP) ou o Instituto de Enxeñaría Eléctrica e Electrónica (IEEE). O ICNIRP especifica un límite SAR de 2W/Kg de media por cada 10 gramos de tecido corporal, mentres que o IEEE especifica o límite SAR nun promedio de 1.6W/Kg por gramo de tecido corporal. Estes requirimentos baséanse en apreciacións científicas que inclúen marxes de seguranza pensados na seguranza de tódalas persoas, sen importar a súa idade e estado de saúde.

As probas dos niveis SAR baséanse en métodos estándar co dispositivo transmitindo ao máximo nivel en tódalas bandas de frecuencia a carón do corpo e a cabeza. Aínda así, xa que o dispositivo está deseñado para empregar un mínimo de enerxía necesaria para acceder á rede, o nivel SAR pode ser menor do indicado. Aínda que hai diferenzas entre os niveis SAR en diferentes modelos de dispositivos, todos teñen que cumprir as principais directrices canto á exposición a ondas de radio.

Os valores SAR e as probas de distancia difiren segundo o método de medición, o dispositivo probado e se está a empregar a función de ancoraxe Wi-Fi, pero só presentaranse os valores SAR máis altos.

A OMS (Organización Mundial da Saúde) declarou que a información científica actual non indica a necesidade de precaucións especiais relacionadas co uso de dispositivos. Para máis información canto a este asunto, visita http://www.who.int/peh-emf/en/ e consulta a ficha técnica No. 193 http://who.int/mediacentre/factsheets/fs193/en/ campos electromagnéticos e saúde pública: teléfonos móbeis. Pódese atopar máis información canto ao SAR no sitio web do Foro de Fabricantes de Móbeis (EMF) no http://www.emfexplained.info/

Para máis información canto á exposición de ondas de radio (SAR) nunha rexión específica, por favor selecciona a túa rexión:

India (IN)

Taiwán (TW)

Resto do mundo (RdM)