ຂໍ້ຕົກລົງການບໍລິການຜູ້ໃຊ້ EasyShare
ສະບາຍດີຜູ້ໃຊ້,
EasyShare (ເຊິ່ງຕໍ່ໄປນີ້ເອີ້ນວ່າ "ການບໍລິການນີ້") ຖືກດຳນີນການໂດຍ vivo Mobile Communication Co., Ltd. ແລະ ບໍລິສັດຂາສາທົ່ວໂລກ (ເຊິ່ງຕໍ່ໄປນີ້ເອີ້ນວ່າ "vivo", "ພວກເຮົາ", "ເຮົາ" ຫຼື "ຂອງພວກເຮົາ"). ຂໍ້ຕົກລົງການບໍລິການຜູ້ໃຊ້ນີ້ແມ່ນຂໍ້ຕົກລົງທາງກົດໝາຍທີ່ບັງຄັບໃຊ້ລະຫວ່າງທ່ານ (ຜູ້ໃຊ້) ແລະ vivo Mobile Communication Co., Ltd. ແລະ ຜູ້ໄດ້ຮັບອະນຸຍາດ.
ຜ່ານຂໍ້ຕົກລົງນີ້, ທ່ານຈະເຂົ້າໃຈວິທີການທີ່ vivo ໃຫ້ການບໍລິການນີ້ແກ່ທ່ານ, ກົດລະບຽບທີ່ທ່ານຕ້ອງປະຕິບັດເມື່ອໃຊ້ການບໍລິການນີ້, ຄຳຖະແຫຼງການຂອງ vivo ກ່ຽວກັບການໃຫ້ການບໍລິການນີ້ ແລະ ການບໍລິການທີ່ກ່ຽວຂ້ອງຂອງມັນ ແລະ ຂໍ້ມູນສຳຄັນອື່ນ. ກະລຸນາອ່ານຂໍ້ຕົກລົງນີ້ຢ່າງລະອຽດ ແລະ ເອົາໃຈໃສ່ເປັນພິເສດຕໍ່ຄຳປະຕິເສດ ແລະ ຂໍ້ກຳນົດກ່ຽວກັບອຳນາດຕັດສິນຂໍ້ຂັດແຍ້ງ ແລະ ການເກັບກຳຂໍ້ມູນ. ເພື່ອເຂົ້າເຖິງ ແລະ ໃຊ້ການບໍລິການນີ້, ທ່ານຄວນມີອາຍຸຢ່າງໜ້ອຍ 18 ປີ ຫຼື ຮອດອາຍຸເປັນຜູ້ໃຫຍ່ໃນພາກພື້ນຂອງທ່ານ. ຖ້າທ່ານອາຍຸຕ່ຳກວ່າ 18 ປີ, ທ່ານຈຳເປັນຕ້ອງຂໍຄວາມຍິນຍອມຈາກພໍ່ແມ່ນ ຫຼື ຜູ້ປົກຄອງທີ່ຖືກຕ້ອງຕາມກົດໝາຍຂອງທ່ານເພື່ອໃຊ້ການບໍລິການນີ້. ເດັກນ້ອຍຄວນຢູ່ກັບຜູ້ປົກຄອງທີ່ຖືກຕ້ອງຕາມກົດໝາຍຂອງພວກເຂົາເມື່ອອ່ານຂໍ້ຕົກລົງນີ້. ໂດຍການເລືອກດາວໂຫຼດ ແລະ ຕິດຕັ້ງຊອບແວ ແລະ ໃຊ້ການບໍລິການນີ້, ທ່ານໄດ້ຍອມຮັບຂໍ້ກຳນົດທັງໝົດຂອງຂໍ້ຕົກລົງນີ້ ແລະ ບັນລຸຂໍ້ຕົກລົງທີ່ມີຜົນຜູກມັດທາງກົດໝາຍກັບ vivo ແລ້ວ.
1. ກ່ຽວກັບການບໍລິການນີ້
ການບໍລິການນີ້ຖືກອອກແບບມາເພື່ອໃຫ້ຟັງຄ໌ຊັນເຊັ່ນ ການໂອນໄຟລ໌ລະຫວ່າງອຸປະກອນ, ການລອກແບບໂທລະສັບ, ການແບັກອັບຂໍ້ມູນ ແລະ ການສາຍພາບອັດສະລິຍະເພື່ອຕອບສະໜອງຕາມຂໍ້ກຳນົດຂອງທ່ານຢ່າງວ່ອງໄວສຳລັບການໂອນເນື້ອໃນ ແລະ ການສາຍພາບໜ້າຈໍ. ຟັງຄ໌ຊັນຫຼັກຂອງມັນໄດ້ແກ່:
(1) ການຕັ້ງຄ່າຂໍ້ມູນສ່ວນຕົວ: ທ່ານສາມາດຕັ້ງຊື່ຫຼິ້ນ ແລະ ຮູບໂປຣໄຟລ໌ຂອງທ່ານເພື່ອໃຊ້ການບໍລິການນີ້.
(2) ການໂອນໄຟລ໌: ທ່ານສາມາດໃຊ້ການບໍລິການນີ້ສ້າງການເຊື່ອມຕໍ່ກັບອຸປະກອນອື່ນ ແລະ ຮັບ/ສົ່ງຜູ້ຕິດຕໍ່, ຂໍ້ຄວາມ SMS, ບັນທຶກການໂທ, ປະຕິທິນ, ແອັບ, ບັນທຶກ, ຮູບພາບ, ເພງ, ວິດີໂອ, ການບັນທຶກ, ການຕັ້ງຄ່າ ແລະ ເນື້ອໃນອື່ນທີ່ການບໍລິການນີ້ຮອງຮັບ (ເຊິ່ງລວມກັນເອີ້ນວ່າ "ເນື້ອໃນຜູ້ໃຊ້") ຈາກ/ຫາອຸປະກອນອື່ນໃນລັກສະນະຊ້ອງໜ້າກັນ.
ໝາຍເຫດ: ເວີຊັນ iOS ຂອງການບໍລິການນີ້ຮອງຮັບການໂອນລາຍຊື່ຜູ້ຕິດຕໍ່, ຮູບຖ່າຍ, ວິດີໂອ ແລະ ເພງເທົ່ານັ້ນ.
(3) Web Share: ທ່ານສາມາດໃຊ້ການບໍລິການນີ້ເພື່ອສ້າງການເຊື່ອມຕໍ່ກັບໜ້າເວັບຄອມພິວເຕີຂອງທ່ານ, ເຊິ່ງຊ່ວຍໃຫ້ທ່ານສາມາດໂອນໄຟລ໌ໄປມາລະຫວ່າງໂທລະສັບຂອງທ່ານ ແລະ ຄອມພິວເຕີຂອງທ່ານໄດ້ຢ່າງວ່ອງໄວ.
(4) ການລອກແບບໂທລະສັບ: ທ່ານສາມາດປະຕິບັດຕາມຄຳແນະນຳໃນໜ້າການບໍລິການເພື່ອເລືອກໂທລະສັບເກົ່າສຳລັບການສົ່ງຂໍ້ມູນ ແລະ ໂທລະສັບໃໝ່ສຳລັບການຮັບຂໍ້ມູນຕາມທີ່ຕ້ອງການ ແລະ ເຊື່ອມຕໍ່ອຸປະກອນ, ເພື່ອໃຫ້ສາມາດໂອນຍ້າຍຂໍ້ມູນໄດ້ຢ່າງງ່າຍດາຍເມື່ອປ່ຽນໂທລະສັບຂອງທ່ານ.
(5) ການສຳຮອງຂໍ້ມູນ: ໂດຍການສ້າງການເຊື່ອມຕໍ່ກັບຄອມພິວເຕີຂອງທ່ານ, ທ່ານສາມາດສຳຮອງຂໍ້ມູນ ແລະ ບັນທຶກຂໍ້ມູນໃນໂທລະສັບຂອງທ່ານໃສ່ຄອມພິວເຕີຂອງທ່ານ ຫຼື ກູ້ຄືນຂໍ້ມູນໃສ່ໂທລະສັບຂອງທ່ານໄດ້ຕະຫຼອດເວລາ. ຂໍ້ມູນທີ່ຮອງຮັບລວມມີ ລາຍຊື່ຜູ້ຕິດຕໍ່, ຂໍ້ຄວາມ SMS, ບັນທຶກການໂທ, ປະຕິທິນ, ແອັບ, ບັນທຶກ, ຮູບພາບ, ເພງ, ວິດີໂອ, ການບັນທຶກ ແລະ ການຕັ້ງຄ່າ.
(6) ການສາຍພາບອັດສະລິຍະ: ທ່ານສາມາດໃຊ້ການບໍລິການນີ້ເພື່ອສາຍພາບໜ້າຈໍຂອງອຸປະກອນຂອງທ່ານໃສ່ PC ຫຼື TV ໃນເວລາຈິງ.
(7) ຫຼາຍໜ້າຈໍ: ທ່ານສາມາດໃຊ້ການບໍລິການນີ້ໂຕ້ຕອບກັບອຸປະກອນອື່ນ (ເຊັ່ນ ຄອມພິວຕີ ແລະ ໂທລະສັບ) ຜ່ານການໂອນໄຟລ໌, ການດາວໂຫຼດ, ການສະແດງຜົນການແຈ້ງເຕືອນ, ການເປີດ ແລະ ການແກ້ໄຂໄຟລ໌, ການຮັບສາຍໂທ ແລະ ຟັງຄ໌ຊັນອື່ນໆ.
(8) ການຮອງຮັບສະເພາະ ຫຼື ຟັງຄ໌ຊັນໃໝ່ອາດແຕກຕ່າງກັນໄປຕາມເວີຊັນຊອບແວຂອງທ່ານ. ສຳລັບຄຳຖາມ, ກະລຸນາຕິດຕໍ່ຝ່າຍບໍລິການລູກຄ້າຂອງພວກເຮົາ.
(9) ຖ້າທ່ານເລືອກໃຊ້ການບໍລິການພາກສ່ວນທີສາມຜ່ານການບໍລິການນີ້, ກະລຸນາອ່ານຂ້ຕົກລົງທີ່ກ່ຽວຂ້ອງຂອງຜູ້ໃຫ້ບໍລິການພາກສ່ວນທີສາມກ່ອນໃຊ້ການບໍລິການ. ໃນກໍລະນີທີ່ມີຂໍ້ຂັດແຍ່ງທີ່ເກີດຈາກທ່ານໃຊ້ການບໍລິການພາກສ່ວນທີສາມ, ທ່ານຈະຕ້ອງຕິດຕໍ່ຜູ້ໃຫ້ບໍລິການພາກສ່ວນທີສາມສຳລັບການແກ້ໄຂຂໍ້ຂັດແຍ່ງດ້ວຍຕົວທ່ານເອງ.
2. ການອະນຸຍາດຊອບແວ
1) ໃຫ້ການອະນຸຍາດ: vivo ຈະໃຫ້ການອະນຸຍາດແກ່ທ່ານແບບຈຳກັດ, ບໍ່ສະເພະ ແລະ ບໍ່ສາມາດໂອນໄດ້ ເພື່ອໃຊ້ຊອບແວນີ້ ແລະ ເອກະສານທີ່ກ່ຽວຂ້ອງຂອງມັນອີງຕາມຂໍ້ກຳນົດໃນທີ່ນີ້, ແຕ່ທ່ານບໍ່ມີໃຫ້ການອະນຸຍາດມັນຕໍ່ໄດ້.
2) ຂໍ້ຈຳກັດການອະນຸຍາດ:
a) ທ່ານສາມາດດາວໂຫຼດ, ຕິດຕັ້ງ ແລະ ໃຊ້ຊອບແວນີ້ສຳລັບຈຸດປະສົງທີ່ບໍ່ແມ່ນເພື່ອການຄ້າໃນອຸປະກອນມືຖືດຽວ. ຍົກເວັ້ນແຕ່ວ່າ vivo ອະນຸຍາດເປັນຢ່າງອື່ນຢ່າງຊັດເຈນ ຫຼື ຂໍ້ຈຳກັດໃນທີ່ນີ້ຖືກຫ້າມຢ່າງຊັດເຈນໂດຍກົດໝາຍທີ່ບັງຄັບໃຊ້, ທ່ານຈະຕ້ອງບໍ່: (i) ອະນຸຍາດໃຫ້ບຸກຄົນອື່ນໃຊ້ຊອບແວນີ້; (ii) ແກ້ໄຂ, ແປ, ວິສະວະກຳຍ້ອນກັບ, ແຍກສ່ວນ ຫຼື ຖອດປະກອບຊອບແວ/ເອກະສານນີ້ ຫຼື ສ້າງຜົນງານລອກແບບໂດຍອີງຕາມຊອບແວ/ເອກະສານນີ້; (iii) ຖອດແບບຊອບແວ/ເອກະສານນີ້ (ອະນຸຍາດໃຫ້ສຳຮອງຂໍ້ມູນສຳລັບການບໍລິການ/ການປ່ຽນຖ່າຍ, ແຕ່ຈະຕ້ອງບໍ່ຕິດຕັ້ງ ຫຼື ໃຊ້ໃນຄອມພິວເຕີໃດໆ ແລະ ຈະຕ້ອງລຶບ/ຖິ້ມທັນທີເມື່ອການບໍລິການ/ການປ່ຽນຖ່າຍສຳເລັດແລ້ວ. ການສຳຮອງຂໍ້ມູນຊອບແວນີ້ໃນຮູບແບບອື່ນຈະຖືເປັນການລະເມີດຂໍ້ຕົກລົງນີ້.); (iv) ໃຫ້ເຊົ່າ, ໂອນ ຫຼື ອະນຸຍາດຕໍ່ຊອບແວ/ເອກະສານນີ້ ຫຼື ມອບສິດຂອງທ່ານທີ່ມີຕໍ່ຊອບແວ/ເອກະສານນີ້ໃຫ້ແກ່ຄົນອື່ນ; (v) ເອົາການປະກາດ ຫຼື ປາຍຊື່ເຈົ້າຂອງອອກຈາກຊອບແວ/ເອກະສານນີ້; ຫຼື (vi) ເພີ່ມຊອບແວອື່ນໃສ່ຊອບແວນີ້ ຫຼື ລວມຊອບແວອື່ນເຂົ້າກັບລະບົບປະຕິບັດການ/ຊອບແວນີ້.
b) ທ່ານເຫັນດີທີ່ຈະໃຊ້ຊອບແວ/ເອກະສານນີ້ໂດຍປະຕິບັດຕາມກົດໝາຍທີ່ກ່ຽວຂ້ອງທັງໝົດເທົ່ານັ້ນ.
c) ທ່ານຈະຕ້ອງບໍ່ໃຊ້ການບໍລິການນີ້ສຳລັບຈຸດປະສົງທີ່ຜິດກົດໝາຍ, ພະຍາຍາມສະແກນຫາຈຸດອ່ອນຂອງການບໍລິການນີ້ໂດຍບໍ່ໄດ້ຮັບອະນຸຍາດ ຫຼື ເຮັດການດຳເນີນການໃດໆກໍ່ຕາມທີ່ລົບກວນການບໍລິການສົ່ງຂໍ້ຄວາມເຄືອຂ່າຍປົກກະຕິ (ເຊັ່ນ ລົບກວນການດຳເນີນການປົກກະຕິຂອງການບໍລິການນີ້ ແລະ ສົ່ງໄວຣັສຢ່າງຈົງໃຈ).
3. ຄຳຖະແຫຼງການກ່ຽວກັບຊັບສິນທາງປັນຍາ
ຄວາມເປັນເຈົ້າຂອງ ແລະ ຊັບສິນທາງປັນຍາຂອງຊອບແວ/ເອກະສານນີ້ແມ່ນ vivo ເປັນເຈົ້າຂອງ (ລວມທັງຜູ້ສະໜອງ/ຜູ້ອະນຸຍາດທີ່ກ່ຽວຂ້ອງທັງໝົດ). ຄວາມເປັນເຈົ້າຂອງ ແລະ ຊັບສິນທາງປັນຍາຂອງເນື້ອໃນທີ່ທ່ານເຂົ້າເຖິງຜ່ານຊອບແວນີ້ (ລວມເຖິງເນື້ອໃນໃນໄຟລ໌ການນຳສະເໜີສື່ມີເດຍຂອງຊອບແວນີ້) ແມ່ນເຈົ້າຂອງເນື້ອໃນທີ່ກ່ຽວຂ້ອງຍັງເປັນເຈົ້າຂອງຢູ່ ແລະ ໄດ້ຮັບການຄຸ້ມຄອງໂດຍລິຂະສິດທີ່ກ່ຽວຂ້ອງ ຫຼື ກົດໝາຍອື່ນທີ່ບັງຄັບໃຊ້. ການອະນຸຍາດນີ້ບໍ່ໄດ້ໃຫ້ສິດທີ່ມີຕໍ່ເນື້ອໃນດັ່ງກ່າວໃດໆ ແກ່ທ່ານ.
4. ກ່ຽວກັບການຕິດຕັ້ງ ແລະ ການອັບເດດຊອບແວ
ທ່ານຈະຕ້ອງດາວໂຫຼດ ແລະ ຕິດຕັ້ງຊອບແວນີ້ຈາກຮ້ານຄ້າທີ່ໄດ້ຮັບມອບໝາຍຈາກ vivo ຫຼື ຊ່ອງທີ່ເປັນທາງການ. ເພື່ອປົກປ້ອງທ່ານຈາກໄວຣັສ ຫຼື ມັລແວ, ກະລຸນາຢ່າດາວໂຫຼດມັນຈາກເວັບໄຊທ໌ທີ່ບໍ່ເປັນທາງການ. ນອກຈາກນີ້ ທ່ານຈະຕ້ອງເລືອກເວີຊັນຊອບແວທີ່ເຂົ້າກັນໄດ້ກັບລຸ້ນອຸປະກອນຂອງທ່ານ ຫຼື ອັບເດດເວີຊັນດ້ວຍຕົວທ່ານເອງ. ບັນຫາໃດໆ ທີ່ກ່ຽວຂ້ອງກັບການໃຊ້ຊອບແວ, ການຮອງຮັບດ້ານຟັງຄ໌ຊັນໃຊ້ງານ ແລະ ການເຊື່ອມໂຍງອຸປະກອນເນື່ອງຈາກຄວາມບໍ່ເຂົ້າກັນລະຫວ່າງເວີຊັນຊອບແວ ແລະ ລຸ້ນອຸປະກອນຂອງທ່ານຈະຕ້ອງເປັນຜູ້ຮັບຜິດຊອບເອງ.
ອາດຈະມີການຮັບສົ່ງຂໍ້ມູນ ຫຼື ຄ່າໃຊ້ຈ່າຍໃນລະຫວ່າງການດາວໂຫຼດ ແລະ ການອັບເດດຊອບແວ (ຂຶ້ນຢູ່ກັບບໍລິສັດເຄືອຂ່າຍມືຖືຂອງທ່ານ) ແລະ ທ່ານຈະຕ້ອງເປັນຜູ້ຮັບຜິດຊອບເອງ.
5. ການຮັບຮອງ ແລະ ການຮັບປະກັນຂອງຜູ້ໃຊ້
ໃນການປະຕິບັດຕາມຂໍ້ຕົກລົງນີ້, ທ່ານສາມາດໃຊ້ການບໍລິການນີ້ເພື່ອຕັ້ງຮູບໂປຣໄຟລ໌ ແລະ ຊື່ຫຼິ້ນ, ສົ່ງໄຟລ໌ ແລະ ຂໍ້ມູນ ແລະ ສາຍພາບໜ້າຈໍຂອງທ່ານ. ແນວໃດກໍ່ຕາມ, ທ່ານຢັ້ງຢືນວ່າທ່ານຈະໃຊ້ການບໍລິການນີ້ຕາມກົດໝາຍ ແລະ ກົດລະບຽບ ແລະ ຈະບໍ່ໃຊ້ການບໍລິການນີ້ (ຜ່ານການຕັ້ງຄ່າແບບກຳນົດເອງ ຫຼື EasyShare) ເຜີຍແຜ່ຂໍ້ມູນໃດໆທີ່ລະເມີດກົດໝາຍ, ກົດລະບຽບ ຫຼື ນະໂຍບາຍຂອງຊາດ. ຂໍ້ມູນດັ່ງກ່າວລວມມີ ແຕ່ບໍ່ຈຳກັດຕໍ່:
(a) ຂໍ້ມູນທີ່ເປັນການລະເມີດຫຼັກການພື້ນຖານທີ່ລັດຖະທຳມະນູນກຳນົດໄວ້;
(b) ຂໍ້ມູນທີ່ເປັນອັນຕະລາຍຕໍ່ຄວາມໝັ້ນຄົງ ຫຼື ຄວາມສາມັກຄີຂອງຊາດ, ເປີດເຜີຍຄວາມລັບຂອງລັດ ຫຼື ປຸກລະດົມການໂຄ່ນລົ້ມ;
(c) ຂໍ້ມູນທີ່ເປັນອັນຕະລາຍຕໍ່ກຽດສັກສີ ແລະ ຜົນປະໂຫຍດຂອງຊາດ;
(d) ຂໍ້ມູນທີ່ປຸກລະດົມຄວາມກຽດຊັງຊົນເຜົ່າ ຫຼື ຈຳແນກຊົນເຜົ່າ ຫຼື ທຳລາຍຄວາມສາມັກຄີຂອງຊົນເຜົ່າ;
(e) ຂໍ້ມູນທີ່ທຳລາຍນະໂຍບາຍທາງສາສະໜາຂອງຊາດ ຫຼື ເຜີຍແຜ່ຊວນເຊື່ອ ແລະ ຄວາມເຊື່ອຖືງົມງາຍ;
(f) ຂໍ້ມູນທີ່ແຜ່ກະຈາຍຂ່າວລື, ລົບກວນການຈັດລະບຽບທາງສັງຄົມ, ຫຼື ທຳລາຍຄວາມໝັ້ນຄົງທາງສັງຄົມ;
(g) ຂໍ້ມູນທີ່ແຜ່ກະຈາຍການອານາຈານ, ຮູບພາບລາມົກ, ການພະນັນ, ຄວາມຮຸນແຮງ, ການຄາດຕະກຳ, ຄວາມຢ້ານກົວ, ຫຼື ການກໍ່ອາດຊະຍາກຳ;
(h) ຂໍ້ມູນທີ່ປ້ອຍດ່າ ຫຼື ໃສ່ຮ້າຍປ້າຍສີ ຫຼື ລະເມີດຕໍ່ສິດທິ ແລະ ຜົນປະໂຫຍດທາງກົດໝາຍຂອງຄົນອື່ນ;
(i) ຂໍ້ມູນທີ່ລະເມີດສິດທິທາງກົດໝາຍຂອງຄົນອື່ນ ເຊັ່ນ ສິດທິຊັບສິນທາງປັນຍາ ແລະ ຄວາມລັບທາງການຄ້າ;
(j) ຂໍ້ມູນທີ່ອາດຈະຂັດຕໍ່ຄວາມຊື່ສັດສຸຈະລິດ, ຄວາມສະຫງົບຮຽບຮ້ອຍ ຫຼື ສິນທຳອັນດີງາມ ຫຼື ຂໍ້ມູນທີ່ກົດໝາຍ ຫຼື ກົດລະບຽບຫ້າມໄວ້.
ທ່ານຈະຕ້ອງເປັນຜູ້ຮັບຜິດຊອບຕໍ່ຜົນຕາມມາທີ່ເກີດຈາກການທີ່ທ່ານລະເມີດບົດບັນຍັດນີ້, ລວມເຖິງແຕ່ບໍ່ຈຳກັດຕໍ່ຄວາມຮັບຜິດຊອບທາງກົດໝາຍ ແລະ ການຊົດໃຊ້ຄ່າເສຍຫາຍ.
6. ຄຳປະຕິເສດ ແລະ ຂໍ້ຈຳກັດຄວາມຮັບຜິດຊອບ
ການບໍລິການນີ້ແມ່ນສຳລັບການໃຊ້ສ່ວນຕົວຂອງທ່ານເທົ່ານັ້ນ ແລະ ຈະຕ້ອງບໍ່ໃຫ້ພາກສ່ວນທີສາມໃຊ້. ຊອບແວ, ເອກະສານ ແລະ ເນື້ອໃນນີ້ຖືກສະໜອງໃຫ້ "ຕາມສະພາບ". vivo ບໍ່ເຮັດການຮັບຮອງ ຫຼື ການຮັບປະກັນໃດໆ, ບໍ່ວ່າຈະເປັນການສະແດງອອກ ຫຼື ບໍ່ສະແດງອອກກໍ່ຕາມ, ລວມເຖິງແຕ່ບໍ່ຈຳກັດຕໍ່ການຮັບຮອງ ແລະ ການຮັບປະກັນກ່ຽວກັບຄວາມສາມາດໃນການຊື້ຂາຍຜະລິດຕະພັນ ແລະ ການບັງຄັບໃຊ້ເພື່ອຈຸດປະສົງພິເສດ, ພ້ອມທັງກໍລະນີທີ່ກ່ຽວຂ້ອງກັບສະພາບການຕໍ່ໄປນີ້:
1) ການບໍລິການນີ້ຈະຕອບສະໜອງຄວາມຕ້ອງສະເພາະເຈາະຈົງຂອງທ່ານ; 2) ການບໍລິການນີ້ຈະໃຫ້ບໍລິການແບບບໍ່ຢຸດ, ກົງຕໍ່ເວລາ, ແລະ ປອດໄພໂດຍບໍ່ມີຂໍ້ບົກຜ່ອງ; 3) ຂໍ້ມູນທັງໝົດທີ່ທ່ານໄດ້ຮັບຈາກການໃຊ້ການບໍລິການນີ້ແມ່ນຖືກຕ້ອງ ຫຼື ໜ້າເຊື່ອຖື; 4) ຂໍ້ບົກຜ່ອງ ຫຼື ຂໍ້ຂັດຂ້ອງໃດໆທີ່ເປັນສ່ວນໜຶ່ງຂອງການບໍລິການນີ້ຈະຖືກແກ້ໄຂ.
vivo ບໍ່ຮັບຜິດຊອບໃດໆຕໍ່ຂໍ້ຂັດຂ້ອງ ຫຼື ການໃຊ້ການບໍລິການທີ່ຜິດກົດໝາຍ/ບໍ່ປະຕິບັດຕາມກົດໝາຍ, ປະສິດທິພາບໃຊ້ງານ ຫຼື ຟັງຄ໌ຊັນໃຊ້ງານທີ່ vivo ສະໜອງໃຫ້. ທ່ານຈະຕ້ອງປະຕິບັດຕາມກົດໝາຍທີ່ມີຜົນບັງຄັບໃຊ້ທັງໝົດເມື່ອໃຊ້ປະສິດທິພາບໃຊ້ງານ, ຟັງຄ໌ຊັນໃຊ້ງານ ຫຼື ການບໍລິການທີ່ vivo ສະໜອງໃຫ້.
7. ການລະງັບ ຫຼື ການຢຸດຕິຂໍ້ຕົກລົງນີ້
ຂໍ້ຕົກລົງນີ້ອາດຈະຖືກລະງັບ ຫຼື ຖືກຢຸດຕິໃນສະພາບການຕໍ່ໄປນີ້:
(a) ທ່ານຂໍໃຫ້ຢຸດຕິການບໍລິການນີ້ ແລະ ຖອນຕິດຕັ້ງຊອບແວ;
(b) ທ່ານໄດ້ລະເມີດ ຫຼື vivo ເຊື່ອຢ່າງມີເຫດຜົນວ່າທ່ານໄດ້ລະເມີດ ຫຼື ສົງໄສວ່າລະເມີດຂໍ້ກຳນົດຂອງກົດໝາຍ ແລະ ກົດລະບຽບ ຫຼື ເນື້ອໃນທີ່ລະບຸໄວ້ໃນຂໍ້ຕົກລົງນີ້, ລວມເຖິງຂໍ້ຈຳກັດການອະນຸຍາດ, ການຮັບຮອງ ແລະ ການຮັບປະກັນຂອງທ່ານ ແລະ ອື່ນໆ.;
(c) vivo ລະງັບ ຫຼື ຢຸດຕິການບໍລິການນີ້ຕາມທີ່ກົດໝາຍ ແລະ ກົດລະບຽບ ຫຼື ໜ່ວຍງານລະດັບຊາດທີ່ກ່ຽວຂ້ອງກຳນົດໄວ້;
(d) ເຫດສຸດວິໄສ ຫຼື ບັນຫາດ້ານເຕັກນິກທີ່ຄາດເດົາບໍ່ໄດ້ເກີດຂຶ້ນ (ລວມເຖິງແຕ່ບໍ່ຈຳກັດຕໍ່ການໂຈມຕີທາງໄຊເບີ, ເຄືອຂ່າຍລົ້ມເຫຼວ, ການຕິດເຊື້ອໄວຣັສ ຫຼື ເຫດການອື່ນທີ່ສົ່ງຜົນກະທົບຕໍ່ການດຳເນີນການປົກກະຕິຂອງອິນເຕີເນັດ);
(e) ການບໍລິການນີ້ຄວນຖືກລະງັບ ຫຼື ຢຸດຕິເນື່ອງຈາກສະພາບການອື່ນຕາມທີ່ກົດໝາຍ ແລະ ກົດລະບຽບກຳນົດໄວ້ ຫຼື ສາເຫດທີ່ບໍ່ສາມາດຕໍ່ຕ້ານໄດ້ ຫຼື ການປັບປ່ຽນທຸລະກິດຂອງ vivo.
ໃນກໍລະນີຂອງສະພາບການຂ້າງເທິງ,
(a) vivo ມີສິດລະງັບ ຫຼື ຢຸດຕິການອະນຸຍາດທີ່ໃຫ້ກັບທ່ານ ຫຼື ໃຊ້ມາດຕະການຈຳກັດຕາມຂໍ້ຕົກລົງນີ້;
(b) ບົດບັນຍັດຂອງຂໍ້ຕົກລົງນີ້ທີ່ເຫຼືອຈາກການຢຸດຕິຂໍ້ຕົກລົງນີ້ຢ່າງຈະແຈ້ງ ຫຼື ຕາມທຳມະຊາດຂອງພວກມັນ ຈະສືບຕໍ່ມີຜົນບັງຄັບໃຊ້ພາຍຫຼັງການຢຸດຕິຂອງມັນຈົນກວ່າພວກມັນຈະຕອບສະໜອງໄດ້ ຫຼື ໝົດອາຍຸຕາມທຳມະຊາດຂອງພວກມັນ.
8. ກົດໝາຍທີ່ບັງຄັບໃຊ້ ແລະ ຂໍ້ກຳນົດການຄຸ້ມຄອງ
ເວັ້ນເສຍແຕ່ວ່າໄດ້ລະບຸໄວ້ເປັນຢ່າງອື່ນໂດຍກົດໝາຍຂອງຈຸດທີ່ຕັ້ງຂອງທ່ານ, ຂໍ້ຕົກລົງນີ້ຈະຢູ່ພາຍໃຕ້ ແລະ ຈະຖືກຕີຄວາມໝາຍຕາມກົດໝາຍຂອງສາທາລະນະລັດ ປະຊາຊົນຈີນ, ໂດຍບໍ່ສົນກັບຫຼັກກົດໝາຍທີ່ຂັດກັນ. ທ່ານເຫັນດີນຳເຂດອຳນາດຕັດສິນ ແລະ ສະຖານທີ່ໃນສານປະຊາຊົນດົງກວນໝາຍເລກ 2 ໃນແຂວງກວາງດົງ ແລະ ຍົກເວັ້ນການຄັດຄ້ານຕໍ່ເຂດອຳນາດຕັດສິນ ຫຼື ສະຖານທີ່ດັ່ງກ່າວ. ຖ້າສານປະຊາຊົນຕັດສິນວ່າບົດບັນຍັດໃດໜຶ່ງ ຫຼື ສ່ວນໃດໜຶ່ງຂອງບົດບັນຍັດໃນຂໍ້ຕົກລົງນີ້ບໍ່ສາມາດບັງຄັບໃຊ້ໄດ້ບໍ່ວ່າຈະດ້ວຍເຫດຜົນໃດກໍ່ຕາມ, ບົດບັນຍັດທີ່ເຫຼືອຈະຍັງມີຜົນບັງຄັບໃຊ້ ແລະ ນຳໃຊ້ໄດ້ເຕັມ.
9. ການອັບເດດຂໍ້ຕົກລົງ
ຂໍ້ຕົກລົງນີ້ຈະມີຜົນບັງຄັບໃຊ້ນັບຈາກວັນທີ່ມັນຖືກເຜີຍແຜ່ ຫຼື ຖືກອັບເດດ. ທັງ vivo ແລະ ຜູ້ໃຊ້ທຸກຄົນທີ່ເປີດໃຊ້ງານ ແລະ ໃຊ້ການບໍລິການນີ້ຈະມີຜົນຜູກມັດຕາມຂໍ້ຕົກລົງນີ້.
vivo ມີສິດປ່ຽນແປງຂໍ້ກຳນົດການບໍລິການ (ລວມເຖິງ ການແກ້ໄຂ, ການເພີ່ມ ຫຼື ການລຶບຂໍ້ກຳນົດທີ່ກ່ຽວຂ້ອງ) ເປັນບາງຄັ້ງຄາວໂດຍອີງຕາມສະພາບການໃຊ້ງານຂອງມັນ, ສະພາບແວດລ້ອມຕະຫຼາດ ແລະ ປັດໄຈອື່ນໆ. ເມື່ອມີການປ່ຽນແປງຂໍ້ກຳນົດການບໍລິການ, vivo ຈະອັບເດດ ແລະ ສະແດງເວີຊັນທີ່ອັບເດດໃນໜ້າທີ່ກ່ຽວຂ້ອງ. ຖ້າທ່ານບໍ່ເຫັນດີນຳການປ່ຽນແປງຂໍ້ກຳນົດ, ທ່ານສາມາດຢຸດໃຊ້ການບໍລິການນີ້ໄດ້. ໂດຍການສືບຕໍ່ໃຊ້ການບໍລິການທີ່ vivo ສະໜອງໃຫ້, ທ່ານໄດ້ຍອມຮັບການປ່ຽນແປງຂໍ້ກຳນົດທັງໝົດແລ້ວ.
10. ວິທີຕິດຕໍ່ພວກເຮົາ
ຖ້າທ່ານມີຄຳຖາມ, ຄຳຄິດເຫັນ ຫຼື ຄຳແນະນຳ, ກະລຸນາໂທຫາສາຍດ່ວນບໍລິການລູກຄ້າຂອງພວກເຮົາໄດ້ທີ່ເບີ 400-678-9688, ຫຼື ເຂົ້າໄປທີ່ https://www.vivo.com ເພື່ອຕິດຕໍ່ພວກເຮົາຜ່ານຕົວແທນບໍລິການອອນລາຍຂອງພວກເຮົາ.
11. ຂໍ້ກຳນົດທົ່ວໄປ
(1) ຫົວຂໍ້ທັງໝົດໃນຂໍ້ຕົກລົງນີ້ມີຈຸດປະສົງພຽງຢ່າງດຽວເພື່ອຄວາມສະດວກສະບາຍ ແລະ ງ່າຍຕໍ່ການອ້າງອີງ ແລະ ຈະບໍ່ມີຜົນໃດໆ ຕໍ່ການຕີຄວາມໝາຍຂອງບົດບັນຍັດໃນຂໍ້ຕົກລົງນີ້.
(2) ຖ້າບົດບັນຍັດໃດໜຶ່ງໃນຂໍ້ຕົກລົງນີ້ຖືກເຫັນວ່າໃຊ້ບໍ່ໄດ້ ຫຼື ບໍ່ສາມາດບັງຄັບໃຊ້ໄດ້ທັງໝົດ ຫຼື ບາງສ່ວນບໍ່ວ່າຈະດ້ວຍເຫດຜົນໃດໆກໍ່ຕາມ, ບົດບັນຍັດທີ່ເຫຼືອໃນທີ່ນີ້ຈະຍັງໃຊ້ໄດ້ ແລະ ມີຜົນຜູກມັດ.
(3) ບໍ່ມີເນື້ອໃນໃດໃນທີ່ນີ້ຈະຖືກຖືວ່າ ຫຼື ຕິຄວາມໝາຍເພື່ອສ້າງຄວາມຮ່ວມມືທາງທຸລະກິດ ຫຼື ຄວາມສຳພັນຂອງອົງການລະຫວ່າງທ່ານ ແລະ vivo.
(4) vivo ມີສິດຕີຄວາມໝາຍບົດບັນຍັດໃນຂໍ້ຕົກລົງນີ້ພາຍໃນຂອບເຂດທີ່ກົດໝາຍ ແລະ ກົດລະບຽບກຳນົດໄວ້.
ລິຂະສິດ ©2016-ປະຈຸບັນ vivo Mobile Communication Co., Ltd. ສະຫງວນລິຂະສິດ.
ທີ່ຢູ່ຈົດທະບຽນ: No. 168, Jinghai East Road, Chang'an Town, Dongguan City, Guangdong Province, People's Republic of China
ອັບເດດຫຼ້າສຸດ: 09 ພະຈິກ 2020