​ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ຂອງ EasyShare


ສະ​ບາຍ​ດີ​ຜູ້​ໃຊ້,
vivo Mobile Communication Co., Ltd. ​ແລະ ສາ​ຂາ​ທົ່ວ​ໂລກ​ຂອງ​ມັນ (ເຊິ່ງ​ຕໍ່​ໄປ​ນີ້​ເອີ້ນ​ວ່າ "vivo", "​ພວກ​ເຮົາ", "​ເຮົາ" ຫຼື "​ຂອງ​ພວກ​ເຮົາ") ​ເຄົາ​ລົບ​ຄວາມ​ເປັນ​ສ່ວນ​ຕົວຂອງ​ທ່ານ ແລະ ຈະ​ເຮັດ​ໃ​ຫ້​ດີ​ທີ່​ສຸດ​ເພື່ອ​ປົກ​ປ້ອງ​ຂໍ້​ມູນ​ສ່ວນ​ຕົວ​ຂອງ​ທ່ານ. ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ຂອງ EasyShare ("ນະ​ໂຍ​ບາຍ​ນີ້") ນຳ​ໃຊ້​ກັບ​ການ​ເກັບ​ກຳ, ການ​ປະ​ມວນ​ຜົນ, ການ​ຈັດ​ເກັບ, ການ​ສົ່ງ ແລະ ການ​ປົກ​ປ້ອງຂໍ້​ມູນ​ຜູ້​ໃຊ້​ໃນ​ລະ​ຫວ່າງ​ໃຊ້​ແອັບ EasyShare (ແອັບ​ນີ້ ແລະ ເນື້ອ​ໃນ​ທີ່​ກ່ຽວ​ຂ້ອງ​ຂອງ​ມັນ​ເອີ້ນ​ລວມ​ກັນ​ວ່າ "ການ​ບໍ​ລິ​ການ​ນີ້"). ກະ​ລຸ​ນາ​ອ່ານ, ທຳ​ຄວາມ​ເຂົ້າ​ໃຈ ແລະ ເຫັນ​ດີ​ນຳ​ນະ​ໂຍ​ບາຍ​ນີ້​ກ່ອນ​ໃຊ້​ການ​ບໍ​ລິ​ການ​ນີ້. ຂໍ​ເຕືອນ​ໃຫ້​ທ່ານ​ອ່ານ​ເນື້ອ​ໃນ​ໂດຍ​ສະ​ເພາະ​ແມ່ນ​ຕົວ​ໜາ.
ໂດຍ​ການ​ໃຊ້​ການ​ບໍ​ລິ​ການ​ນີ້, ທ່ານ​ໄດ້​ອ່ານ, ເຫັນ​ດີນຳ ແລະ ຍອມ​ຮັບ​ຂໍ້​ກຳ​ນົດ​ທັງ​ໝົດ​ໃນ​ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ນີ້ແລ້ວ. ​ພວກ​ເຮົາຈະ​ໃຊ້ ແລະ ປົກ​ປ້ອງ​ຂໍ້​ມູນ​ຂອງ​ທ່ານ​ສຳ​ລັບ​ຄວາມ​ຈຳ​ເປັນ ແລະ ປະ​ສິດ​ທິ​ພາບ​ການ​ໃຫ້​ການ​ບໍ​ລິ​ການ​ນີ້​ຕາມ​ຂໍ້​ກຳ​ນົດ​ຂອງ​ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ນີ້.

1. ການ​ສົ່ງ​ເນື້ອ​ໃນ​ຜູ້​ໃຊ້
(1) ທ່ານ​​​ຮັບ​ຮູ້ວ່າ​ການ​ບໍ​ລິ​ການ​ນີ້​ຖືກ​ໃຊ້​ເພື່ອ​ສົ່ງລາຍຊື່ຜູ້ຕິດຕໍ່, ຂໍ້ຄວາມ SMS, ບັນທຶກການ​ໂທ, ປະຕິທິນ, ແອັບ, ບັນທຶກ, ຮູບ​ພາບ, ເພງ, ວິດີໂອ, ການ​ບັນ​ທຶກ, ການ​ຕັ້ງ​ຄ່າ ແລະ ເນື້ອ​ໃນ​ອື່ນ​ທີ່​ການ​ບໍ​ລິ​ການ​ນີ້​ຮອງ​ຮັບ (ເຊິ່ງ​ລວມ​ກັນ​ເອີ້ນ​ວ່າ "ເນື້ອ​ໃນ​ຜູ້​ໃຊ້") ໃນ​ອຸ​ປະ​ກອນ​ນີ້​ຫາ​ອຸ​ປະ​ກອນ​ທີ່​ໄດ້​ຮັບ​ອະ​ນຸ​ຍາດ​ອື່ນ​ໃນ​ລັກ​ສະ​ນະ​ຊ້ອງ​ໜ້າ​ກັນ.
(2) ເມື່ອ​ທ່ານ​​ສົ່ງ​ເນື້ອ​ໃນ​ຜູ້​ໃຊ້​ບາງ​ປະ​ເພດ (ຕົວ​ຢ່າງ ຮູບ​ຖ່າຍ​ໃນ​ອຸ​ປະ​ກອນ​ຂອງ​ທ່ານ) ສຳ​ລັບ​​ຄັ້ງ​ທຳ​ອິດ, ພວກ​ເຮົາ​ຈະ​ຂໍ​ການ​ອະ​ນຸ​ຍາດ​ກ່ອນ​ລ່ວງ​ໜ້າ​ຈາກ​ທ່ານ​ເພື່ອ​ເຂົ້າ​ເຖິງ​ເນື້ອ​ໃນ​ນີ້.
(3) ເນື້ອ​ໃນ​ຜູ້​ໃຊ້ບາງ​ສ່ວນ​ຈະ​ຖືກ​ສະ​ແດງ​ຜົນ​ໃນ​ສ່ວນ​ຕໍ່​ປະ​ສານ​ຂອງ​ການ​ບໍ​ລິ​ການ​ນີ້​ໃນ​ຮູບ​ແບບ​ຮູບ​ພາບ, ຈັບ​ຕ້ອງ​ບໍ່​ໄດ້ ຫຼື ຈັບ​ຕ້ອງ​ໄດ້​ອື່ນໆ. ​ເນື້ອ​ໃນ​ທີ່​ຈະ​ສະ​ແດ​ງ​ຜົນ​ຈະຖືກ​ສ້າງ​ແບບ​ສຸ່ມ​​ ແລະ ອັບ​ເດດ​​ຕາມ​ເນື້ອ​ໃນ​ຜູ້​ໃຊ້​ທີ່​ຈັດ​ເກັບ​ໄວ້​ໃນ​ອຸ​ປະ​ກອນ​ຂອງ​ທ່ານ.
(4) ສາ​ມາດ​ສົ່ງເນື້ອ​ໃນ​ຜູ້​ໃຊ້​​ຫາ​ອຸ​ປະ​ກອນ​ສະ​ເພາະ​​ທີ່​ໄດ້​ຮັບ​ອະ​ນຸ​ຍາດ​ໃຫ້ຮັບ​ມັນ​ໃນ​ການ​ສົ່ງ​ໂອ​ກາດ​ດຽວ​ເທົ່າ​ນັ້ນ. ​ພວກ​ເຮົາ​ຈະ​ຊ່ວຍ​ສົ່ງ​ເນື້ອ​ໃນ​ຜູ້​ໃຊ້​ຈາກ​ອຸ​ປະ​ກອນ​ໜຶ່ງ​ຫາ​ອີກ​ອຸ​ປະ​ກອນ​ໜຶ່ງ​ເທົ່າ​ນັ້ນ ແລະ ຈະ​ບໍ່​ເກັບ​ກຳ​ມັນ​ຈາກ​ທ່ານ ຫຼື ຮັບ, ຮັບ​ເອົາ, ປະ​ມວນ​ຜົນ ຫຼື ໃຊ້​ມັນ​ໃນ​ຮູບ​ແບບ​ໃດ​ໜຶ່ງ.

2. ​ຂໍ້​ມູນ​ທີ່​ພວກ​ເຮົາ​ເກັບ​ກຳ
(a) ຂໍ້​ມູນ​ອຸ​ປະ​ກອນ​ຂອງ​ທ່ານ: ເມື່ອ​ທ່ານ​ໃຊ້​ການ​ບໍ​ລິ​ການ​ນີ້​ໃນ​ອຸ​ປະ​ກອນ​ບາງ​ຢ່າງ, ພວກ​ເຮົາ​​ອາດຈະ​ເກັບ​ກຳ​ຂໍ້​ມູນ​ສະ​ເພາະ​ຈາກ​ອຸ​ປະ​ກອນ​ນີ້, ລວມ​​ເຖິງ IMEI ແລະ/ຫຼື ຕົວ​ລະ​ບຸ​ອຸ​ປະ​ກອນ​ອື່ນ, ລຸ້ນ​ອຸ​ປະ​ກອນ, ຊື່​ອຸ​ປະ​ກອນ ແລະ ເວີ​ຊັນ​ລະ​ບົບ. ຂໍ້​ມູນ​ດັ່ງ​ກ່າວ​ຖືກ​ໃຊ້​ເພື່ອກຳ​ນົດ​ຂໍ້​ຜິ​ດ​ພາດ​, ໃຫ້​ຄຸນ​ສົມ​ບັດ​ຄຳຕອບໂຕ້ກັບ​ຟັງ​ຄ໌​ຊັນ​ໃຊ້​ງານ​ແກ່​ທ່ານ ແລະ ​ກຳ​ນົດ​ເວີ​ຊັນ ແລະ ລຸ້ນ​ຂອງ​ອຸ​ປະ​ກອນ​ຂອງ​ທ່ານ​ຢ່າງວ່ອງ​ໄວ​ເພື່ອ​ເຮັດ​ການ​ເພີ່ມ​ປະ​ສິດ​ທິ​ພາບ​ຜະ​ລິດ​ຕະ​ພັນ​ຢ່າງ​ຖ່ວງ​ທັນ​ເວ​ລາ ແລະ ໃຫ້​ການ​ເຕືອນ​ກາ​ນ​ອັບ​ເດດ ຫຼື ການ​ບໍ​ລິ​ການ​ອັບ​ເດດ​ອັດ​ຕະ​ໂນ​ມັດ.
(b) ທີ່ຢູ່ IP: ເມື່ອ​ທ່ານ​ໃຊ້ Web share ແລະ ຟັງ​ຄ໌​ຊັນ​ທີ່​ກ່ຽວ​ຂ້ອງ​ອື່ນໆ, ພວກ​ເຮົາ​ຈຳ​ເປັນ​ຕ້ອງ​ເກັບ​ກຳ​ທີ່​ຢູ່ IP ຂອງ​ທ່ານ​ຕາມ​ຄວາມ​ຈຳ​ເປັນ​ເພື່ອ​ເປີດ​ໃຊ້​ງານ​ຟັງ​ຄ໌​ຊັນ ແລະ ຈະ​ໃຊ້​ຂໍ້​ມູນ​ດັ່ງ​ກ່າວ​ສຳ​ລັບ​ຈຸດ​ປະ​ສົງການ​ເຊື່ອມ​ຕໍ່ LAN ແລະ ການກວດ​ສອບ​ເຊີບ​ເວີ. ​ພວກ​ເຮົາ​ຈະເກັບ​ກຳ​ຂໍ້​ມູນ​ດັ່ງ​ກ່າວ​ເມື່ອ​ທ່ານ​ໃຊ້​ຟັງ​​ຄ໌​ຊັນ​ທີ່​ກ່ຽວ​ຂ້ອງ​ເທົ່າ​ນັ້ນ.
​(c) ທີ່​ຢູ່ MAC: ເມື່ອ​ທ່ານ​ໃຊ້​ຟັງ​ຄ໌​ຊັນຫຼາຍ​ໜ້າ​ຈໍ ແລະ ເຊື່ອມ​ຕໍ່​ໂດຍ​ການ​ຊອກ​ຫາ PC, ​ພວກ​ເຮົາ​ຈຳ​ເປັນ​ຕ້ອງ​ເກັບ​ກຳ​ທີ່​​ຢູ່ MAC ​ຂອງ​ອຸ​ປະ​ກອນ​ຂອງ​ທ່ານ (​ຂໍ້​ມູນ​ດັ່ງ​ກ່າວ​ຈະ​ຖືກ​ໃຊ້​ໃນ​ອຸ​ປະ​ກອນ​ຂອງ​ທ່ານ​ເທົ່າ​ນັ້ນ ແລະ ຈະ​ບໍ່​ຖືກ​ອັບ​ໂຫຼດ​ໃສ່​ເຊີບເວີ).
(d) ຂໍ້​ມູນ​ບັນ​ທຶກ​ຂອງ​ທ່ານ: ​ໃນ​ລະ​ຫວ່າງ​ການ​ໃຊ້​ການ​ບໍ​ລິ​ການ​ນີ້​ຂອງ​ທ່ານ, ພວກ​ເຮົາ​ຈະ​ເກັບ​ກຳ​ຂໍ້​ມູນ​ບັນ​ທຶກ​ທີ່​ການ​ບໍ​ລິ​ການ​ນີ້​ສ້າງ​​ຂຶ້ນ, ລວມ​ເຖິງ​ແຕ່​ບໍ່​ຈຳ​ກັດ​ຕໍ່​ໄລ​ຍະ​ເວ​ລາ​ການ​ໃຊ້, ຂະ​ໜາດ​ຂໍ້​ມູນ​ທີ່​ສົ່ງ, ປະ​ເພດ​ຂໍ້​ມູນ ແລະ ຊື່​ແພັກ​ເກດ​ຂອງ​ແອັບ​ທີ່​ລະ​ບຸ (ຖ້າມີ). ​ຂໍ້​ມູນ​ບັນ​ທຶກ​ທີ່​ພວກ​ເຮົາ​ເກັບ​ກຳ​ຈາກ​ທ່ານ​ຈະ​ຖືກ​ໃຊ້​ເພື່ອ​ໃຫ້​ການ​ບໍ​ລິ​ການ​ພື້ນ​ຖານ ແລະ ວິ​ເຄາະ​ບັນ​ຫາ​ທີ່​ມີ​​ຢູ່ ແລະ ທີ່​ອາດ​ຈະ​ເກີດ​ຂຶ້ນ​​ໃນ​ລະ​ຫວ່າງທີ່​ທ່ານໃຊ້​ການ​ບໍ​ລິ​ການ​ນີ້. ​ມັນ​ຈະ​ບໍ່​ລະ​ບຸ​ຕົວ​ທ່ານ.
(e) ຂໍ້​ມູນ​ດ້ານ​ການ​ດຳ​ເນີນ​ການ​ຂອງ​ທ່ານ: ເມື່ອ​ອຸ​ປະ​ກອນ​ຂອງ​ທ່ານ​ເຊື່ອມ​ຕໍ່​ກັບເຄືອ​ຂ່າຍ Wi-Fi ຫຼື ເຄືອ​ຂ່າຍ​ຟ​ຣີ​ອື່ນ, ພວກ​ເຮົາ​ຈະ​ເກັບ​ກຳ​ຂໍ້​ມູນ​ກ່ຽວ​ກັບ​ການ​ດຳ​ເນີນ​ການ​ຂອງ​ທ່ານ​ດ້ວຍ​ການ​ບໍ​ລິ​ການ​ນີ້​ເປັນ​ບາງ​ຄັ້ງ​ຄາວ, ລວມ​ເຖິງ​ແຕ່​ບໍ່​ຈຳ​ກັດ​​ຕໍ່​ເສັ້ນ​ທາງ ແລະ ການ​ດຳເນີນ​ການ​ປ່ຽນ​ເສັ້ນ​ທາງ​​ໜ້າ ແລະ ການ​ດຳ​ເນີນ​ການ​​ຕ່າງໆ ເຊັ່ນ ການ​ແຕະ, ການຕັ້ງຄ່າ​ ແລະ ການ​ອອກ​ຈາກ​ແອັບ. ຂໍ້​ມູນ​ດ້ານ​ການ​ດຳ​ເນີນ​ການ​ຈະ​ຖືກ​ໃຊ້​ເພື່ອ​ຕິດ​ຕາມ ແລະ ວິ​ເຄາະ​ການ​ດຳ​ເນີນ​ການ​ຂອງ​ຜູ້​ໃຊ້​ການ​ບໍ​ລິ​ການ ເພື່ອ​ໃຫ້​ພວກ​ເຮົາ​ສາ​ມາດ​ເພີ່ມ​ປະ​ສິດ​ທິ​ພາບຜະ​ລິດ​ຕະ​ພັນ ແລະ ການ​ບໍ​ລິ​ການ​ຂອງ​ພວກ​ເຮົາ ແລະ ປັບ​ປຸງ​ປະ​ສົບ​ການ​ຜູ້​ໃຊ້. ພວກ​ເຮົາ​ຈະ​ບໍ່​ໃຊ້​ຂໍ້​ມູນ​ນີ້​ເພື່ອ​​ອ້າງ​ອີງ​ເຖິງ ຫຼື ລະ​ບຸ​ຕົວ​ບຸກ​ຄົນ​ສະ​ເພາະ ຫຼື ພວກ​ເຮົາ​ຈະ​ບໍ່​​ເຮັດ​ການ​ຕັດ​ສິນ​ໃຈ​ຕາມ​ເຈດ​ຕະ​ນາ ຫຼື ການ​ວິ​ເຄາະ​ຕາມ​ພຶດ​ຕິ​ກຳ​ກ່ຽວ​ກັບ​ມັນ.

3. ການ​ອະ​ນຸ​ຍາດ
​ການ​ບໍ​ລິ​ການ​ນີ້​ຕ້ອງ​ການ​ການ​ອະ​ນຸ​ຍາດ​ອຸ​ປະ​ກອນ​ບາງ​ຢ່າງ​ເພື່ອ​ເປີດ​ໃຊ້​ງານ​ຟັງ​ຄ໌​ຊັນ​ຂອງ​ມັນ. ​ເບິ່ງ​ການ​ອະ​ນຸ​ຍາດ​ສະ​ເພາະ ແລະ ຈຸດ​ປະ​ສົງ​ການ​ອະ​ນຸ​ຍາດ​ລຸ່ມ​ນີ້:
(a) ບ​ລູ​ທູດ/Wi-Fi: ​ຈຳ​ເປັນ​ຕ້ອງ​​ໃຊ້​ການ​ອະ​ນຸ​ຍາດບ​ລູ​ທູດ/Wi-Fi ​ເພື່ອ​ຄົ້ນ​ຫາ ແລະ ຈັບ​ຄູ່​ອຸ​ປະ​ກອນ.
(b) ເຄືອຂ່າຍ: ​ຈຳ​ເປັນ​ຕ້ອງ​ໃຊ້​ການ​ອະ​ນຸ​ຍາດ​ເຄືອ​ຂ່າຍ​ເພື່ອ​ອັບ​ເດດ ຫຼື ອັບ​ເກ​ຣດ​ເວີ​ຊັນ​ການ​ບໍ​ລິ​ການ.
(c) ການ​ເປີດ​ໃຊ້​ງານ/ກາ​ນ​ປິດ​ໃຊ້​ງານ​ເຄືອ​ຂ່າຍ​ມື​ຖື: ​ເມື່ອ​ໃຊ້​ຟັງ​ຄ໌​ຊັນ​ການ​ລອກ​ແບບ​ໂທ​ລະ​ສັບ, ທ່ານ​ຈຳ​ເປັນ​ຕ້ອງ​ສ້າງ​ການ​ເຊື່ອມ​ຕໍ່​ຮັອດ​ສະ​ປອດ. ເພື່ອຫຼີກ​ລຽງ​ການ​ໃຊ້​ຂໍ້​ມູນ​ໂດຍ​ອຸ​ປະ​ກອນ​ທີ່​ໄດ້​ຮັບ​ອະ​ນຸ​ຍາດ, ພວກ​ເຮົາ​ອາດ​ຈະ​ປິດ​ໃຊ້​ງານ​ເຄືອ​ຂ່າຍ​ມື​ຖື​ຂອງ​ອຸ​ປະ​ກອນ​ຂອງ​ທ່ານ.
(d) ຈຸດ​ທີ່​ຕັ້ງ: ຈຳ​ເປັນ​ຕ້ອງ​ໃຊ້​ການ​ອະ​ນຸ​ຍາ​ດ​ຈຸດ​ທີ່​ຕັ້ງ​ເພື່ອ​ຮັບ​ເອົາ​​ທີ່​ຢູ່ MAC ຂອງ​ໂທ​ລະ​ສັບ​ຂອງ​ທ່ານ​ສຳ​ລັບ​ການ​ຄົ້ນ​ຫາບ​ລູ​ທູດ ແລະ Wi-Fi.
(e) SMS/ລາຍຊື່ຜູ້ຕິດຕໍ່/ບັນ​ທຶກ​ການ​ໂທ: ​ເມື່ອ​ໃຊ້​ຟັງ​ຄ໌​ຊັນ​ການ​ລອກ​ແບບ​ໂທ​ລະ​ສັບ, ທ່ານ​ຈຳ​ເປັນ​ຕ້ອງ​ເປີດ​ໃຊ້​ງານການ​ເຂົ້າ​ເຖິງ​ການ​ອ່ານ/ຂຽນ​ໃສ່ SMS/ຜູ້ຕິດຕໍ່/ບັນ​ທຶກ​ການ​ໂທ​ຂອງ​ທ່ານ​ເພື່ອ​ສົ່ງ​ເນື້ອ​ໃນ​ດັ່ງ​ກ່າວ​ລະ​ຫວ່າງ​ອຸ​ປະ​ກອນ ແລະ ເອົາ​ລາຍ​ການ​ຊ້ຳ​ກັນ​ອອກ.
(f) ການ​ບັນ​ທຶກ​ສຽງ: ​ເມື່ອ​ໃຊ້​ຟັງ​ຄ໌​ຊັນ​ການ​ສາຍ​ພາບ​ໜ້າ​ຈໍ, ທ່ານ​ຈຳ​ເປັນ​ຕ້ອງ​ເປີດ​ໃຊ້​ງານ​ການ​ອະ​ນຸ​ຍາດ​ການ​ບັນ​ທຶກ​ສຽງ​ເພື່ອ​ບັນ​ທຶກ​ສຽງ​ໜ້າ​ຈໍ ແລະ ສາຍ​ພາບ​ມັນ​ໃນ​ເວ​ລາ​ຈິງ (ບໍ່​ສາ​ມາດ​ບັນ​ທຶກ​ສຽງ​ແວດ​ລ້ອມ).
(g) ການບັນທຶກໜ້າຈໍ: ​ເມື່ອ​ໃຊ້​ຟັງ​ຄ໌​ຊັນ​ການ​ສາຍ​ພາບ​ໜ້າ​ຈໍ, ທ່ານ​ຈຳ​ເປັນ​ຕ້ອງ​ເປີດ​ໃຊ້​ງານ​ການ​ອະ​ນຸ​ຍາດ​ການ​ບັນ​ທຶກ​ໜ້າ​ຈໍ​ເພື່ອ​ບັນ​ທຶກ​​ໜ້າ​ຈໍ ແລະ ສາຍ​ພາບ​ມັນ​ໃນ​ເວ​ລາ​ຈິງ.
(h) ກ້ອງຖ່າຍຮູບ: ເມື່ອ​ສະ​ແກນ​ລະ​ຫັດ QR ເພື່ອ​ສ້າງ​ການ​ເຊື່ອມ​ຕໍ່​ອຸ​ປະ​ກອນ ແລະ ສົ່ງ​ເນື້ອ​ໃນ ຫຼື ຕັ້ງ​ຄ່າ​ຮູບ​ໂປ​ຣ​ໄຟ​ລ໌​ຂອງ​ທ່ານ​ໂດຍ​ການ​ຖ່າຍ​ຮູບ ແລະ ອັບ​ໂຫຼດ​ມັນ, ທ່ານ​ຈຳ​ເປັນ​ຕ້ອງ​ເປີດ​ໃຊ້​ງານ​ການ​ອະ​ນຸ​ຍາດ​ກ້ອງ​ຖ່າຍ​ຮູບ.
​(i) ການ​ແຈ້ງ​​ເຕືອນ: ຖ້າ​ທ່ານ​ໃຊ້​ຟັງ​ຄ໌​ຊັນຫຼາຍ​ໜ້າ​ຈໍ ແລະ ເປີດ​ໃຊ້​ງານ​ການ​ແຈ້ງ​ເຕືອນ, ທ່ານ​ຈຳ​ເປັນ​ຕ້ອງ​ເປີດ​ໃຊ້​ງານ​ການ​ອະ​ນຸ​ຍາດ​ການ​ແຈ້ງ​ເຕືອນ.
​(j) ໂທລະສັບ: ຖ້າ​ທ່ານ​ໃຊ້​ຟັງ​ຄ໌​ຊັນຫຼາຍ​ໜ້າ​ຈໍ ແລະ ​ຮັບ​ສາຍ​ໂທ​ຜ່ານ PC, ທ່ານ​ຈຳ​ເປັນ​ຕ້ອງ​ເປີດ​ໃຊ້​ງານ​ການ​ອະ​ນຸ​ຍາດໂທລະສັບ.
ການ​ອະ​ນຸ​ຍາດ​ຂ້າງ​ເທິງ​ຈະ​ຖືກ​ເປີດ​ໃຊ້​ງານ​ສະ​ເພາະ​ເພື່ອຮັບ​ຮູ້​ຟັງ​ຄ໌​ຊັນ​ທີ່​ກ່ຽວ​ຂ້ອງ​ຂອງ​ການ​ບໍ​ລິ​ການ​ນີ້​ເທົ່າ​ນັ້ນ. ກະ​ລຸ​ນາ​ໝັ້ນ​ໃຈ​ວ່າ​ການ​ບໍ​ລິ​ການ​ນີ້​ຈະ​ບໍ່​ເຂົ້າ​ເຖິງ​ການ​ອະ​ນຸ​ຍາດ​ຂອງ​ທ່ານ​ເມື່ອ​ທ່ານ​ບໍ່​ໄດ້​ໃຊ້​ຟັງ​ຄ໌​ຊັນ​ຂອງ​ການ​ບໍ​ລິ​ການ​ນີ້.

4. ການ​ແຊ​ຣ໌
ການ​ແຊ​ຣ໌​ໝາຍ​ເຖິງ​ການ​ໃຫ້​ຂໍ້​ມູນ​ສ່ວນ​ຕົວ​ຂອງ​ທ່ານ​ແກ່​ຜູ້​ຄວບ​ຄຸມ​ຂໍ້​ມູ​ນ​ສ່ວນ​ຕົວ​ອື່ນ, ເຊິ່ງທັງ​ສອງ​ຝ່າຍ​ມີ​ການ​ຄວບ​ຄຸມ​ຂໍ້​ມູນ​ສ່ວນ​ຕົວ​ຢ່າງ​ອິດ​ສະຫຼະ. ເພື່ອ​ປະ​ຕິ​ບັດ​ຕາມ​ຂໍ້​ກຳ​ນົດ​ຂອງ​ກົດ​ໝາຍ ແລະ ກົດ​ລະ​ບຽບ, ​ຂໍ້​ມູນ​ທີ່ພວກ​ເຮົາ​​ເກັບ​ກຳ​ຈາກ​ທ່ານອາດ​ຈະ​ແຊ​ຣ໌ໃນ​ສະ​ພາບ​ການ​ຕໍ່​ໄປ​ນີ້:
(a) ແຊ​​ຣຸ​ໃຫ້​ກັບ​ຜູ້​ຖື​ຫຸ້ນ​ຂອງ vivo: ເພື່ອ​ເປີດ​ໃຊ້​ງານ​ການ​ບໍ​ລິ​ການ​ທີ່​ຈຳ​ເປັນ ຫຼື ດຳ​ເນີນ​ການກວດ​ສອບ ແລະ ວິ​ເຄາະ​ຢ່າງ​ລະ​ອຽດ, ພວກ​ເຮົາ​ອາດ​ຈະ​ແຊ​ຣ໌​ຂໍ້​ມູນ​ທີ່​ເກັບ​ກຳ​ຈາກ​ທ່ານ​ໃຫ້​ແກ່​ບໍ​ລິ​ສັດ​ໃນ​ເຄືອ​ຂອງ​ພວກ​ເຮົາ ຫຼື ພາຍ​ໃນ vivo.
(b) ແຊ​​ຣ໌​ໃຫ້​​​ກັບ​ຫຸ້ນ​ສ່ວນ​ທີ່​ໄດ້​ຮັບ​ອະ​ນຸ​ຍາດ: ​ພວກ​ເຮົາ​ອາດ​ຈະ​ເປີດ​ເຜີຍ​ຂໍ້​ມູນ​​ທີ່​ບໍ່​ແມ່ນ​ຂໍ້​ມູນຂອງ​ທ່ານ​ບາງ​ສ່ວນ​ໃຫ້​ກັບ​ຄູ່​ຮ່ວມ​ງານທີ່​ໄດ້​ຮັບ​ອະ​ນຸ​ຍາດ​ຂອງ​ພວກ​ເຮົາ​ເມື່ອ​ຈຳ​ເປັນ​ເພື່ອ​ເປີດ​ໃຊ້​ງານ​ການ​ບໍ​ລິ​ການ​​ນີ້ ຫຼື ການ​ບໍ​ລິ​ການ EasyShare ທີ່​ກ່ຽວ​ຂ້ອງ​ທີ່​ທ່ານ​ໃຊ້. ​ຂໍ້​ມູນ​ດັ່ງ​ກ່າວ​ຈະ​ບໍ່​ເຊື່ອມ​ໂຍງ​ກັບ​ຕົວ​ລະ​ບຸ​ອຸ​ປະ​ກອນ​ຂອງ​ທ່ານ ຫຼື ບໍ່ຖືກ​ໃຊ້​ເພື່ອ​ລະ​ບຸ​ຕົວ​ທ່ານ.

5. ການ​ເປີດ​ເຜີຍ
ໂດຍ​ທົ່ວ​ໄປ​ແລ້ວ, ບໍ່​ຄວນ​ເປີດ​ເຜີຍ​ຂໍ້​ມູນ​ສ່ວ​ນ​ຕົວ​ຕໍ່​ສາ​ທາ​ລະ​ນະ. ​ແນວ​ໃດ​ກໍ່​ຕາມ, ພວກ​ເຮົາ​ອາດ​ຈະ​ເປີດ​ເຜີຍ​​ຂໍ້​ມູນ​ສ່ວນ​ຕົວ​ຂອງ​ທ່ານ​ບາງ​ສ່ວນ​​ໂດຍ​ບໍ່​ໄດ້​ຂໍ​ຄວາມ​ຍິນຍອມ​ຂອງ​ທ່ານ​ກ່ອນຕາມທີ່​ກຳ​ນົດ​ໄວ້​ໂດຍ​ກົດ​ໝາຍ ແລະ ກົດ​ລະ​ບຽບ ຫຼື ຕາມ​ທີ່​ກຳ​ນົດ​ໄວ້​ໂດຍ​​ອົງ​ການ​ຕຸ​ລາ​ການ ແລະ ອົງ​ການ​ຂອງ​ລັດ​ຖະ​ບານ​ເພື່ອ​ປະ​ຕິ​ບັດ​ຕາມ​ໜ້າ​ທີ່​ທີ່​ບັງ​ຄັບ​ໃຊ້​ທີ່​ກ່ຽວ​ຂ້ອງ. ນອກ​ຈາກ​ນີ້, ພວກ​ເຮົາ​ຈະ​ປົ​ກ​ປ້ອງ​ຄວາມ​ປອດ​ໄພ​ຂອງ​ຂໍ້​ມູນ​ສ່ວນ​ຕົວ​ຂອງ​ທ່ານ​ຢ່າງ​ເຄັ່ງ​ຄັດ ແລະ ຈະ​ບໍ່​ເປີດ​ເຜີຍ​ມັນ​ໃຫ້​ກັບ​ພາກ​ສ່ວນ​​ທີ​ສາມ​ທີ່​ບໍ່​ກ່ຽວ​ຂ້ອງ.

6. ການ​ປະ​ມວນ​ຜົນຂໍ້​ມູນ​ຂອງ​ເດັກ​ນ້ອຍ
ພວກ​ເຮົາ​ໃຫ້​ຄວາມ​ເອົາ​ໃຈ​ໃສ່​ເປັນ​ພິ​ເສດ​ຕໍ່​ການ​ປົກ​ປ້ອງ​ຄວາມ​ເປັນ​ສ່ວນ​ຕົວ​ຂອງ​ເດັກ​ນ້ອຍ ແລະ ສະ​ໜັບ​ສະ​ໜູນໃຫ້​ພໍ່​ແມ່/ຜູ້​ປົກ​ຄອງ​ເອົາ​ໃຈ​ໃສ່​ຢ່າງ​ຈິງ​ຈັງ​ຕໍ່​ກິດ​ຈະ​ກຳ ແລະ ວຽກເຮັດ​ປະ​ຈຳ​ໃນ​ເວ​ລາ​ຫວ່າງ​ຂອງ​ເດັກ​ນ້ອຍ. (ອາ​ຍຸ​ຂອງ​ເດັກ​ນ້ອຍ​ຈະ​ຖືກ​ກຳ​ນົດ​ຕາມ​ກົດ​ໝາຍ​ຂອງ​ປະ​ເທດ​ຂອງ​ທ່ານ ແລະ ວິ​ທີ​ປະ​ຕິ​ບັດ​ທາງວັດ​ທະ​ນະ​ທຳ​ຂອງ​ແຕ່​ລະ​ປະ​ເທດ ແລະ ພາກ​ພື້ນ.) ພວກ​ເຮົາບໍ່​ໄດ້​ກຳ​ນົດ​ເປົ້າ​ໝາຍ​ໃສ່​ເດັກ​ນ້ອຍ​ໃນ​ຖາ​ນະ​ເປັນ​ຜູ້​ໃຊ້ ແລະ ພກວ​ເຮົາຈະ​ບໍ່​ເກັບ​ກຳ​ຂໍ້​ມູນ​ຂອງ​ເດັກ​ນ້ອຍ​ຢ່າງ​ຈົງ​ໃຈ. ຖ້າ​ທ່ານ (ພໍ່​ແມ່/ຜູ້​ປົກ​ຄອງ) ພົບ​ວ່າ​ຂໍ້​ມູນ​ສ່ວນ​ຕົວ​ຂອງ​ເດັກ​ນ້ອຍ​ຂອງ​ທ່ານ​ຖືກ​ເກັບ​ກຳ​ໂດຍ​ບໍ່​ໄດ້​ຮັບ​ຄຳ​ຍິນຍອມ​ຈາກ​ທ່ານ​ກ່ອນ​ລ່ວງ​ໜ້າ, ກະ​ລຸ​ນາ​ຕິດ​ຕໍ່​ພວກ​ເຮົາ​ເພື່ອ​ໃຫ້​ພວກ​ເຮົາ​ລຶບ​ມັນ ແລະ ຮັບ​ປະ​ກັນ​ວ່າ​ເດັກ​ນ້ອຍ​ຖອນ​ສະ​ໜັກ​ໃຊ້​ ຫຼື ຢຸດ​ໃຊ້​ການ​ບໍ​ລິ​ການ​ທີ່​ກ່ຽວ​ຂ້ອງ.

7. ການ​ສົ່ງ​ຂໍ້​ມູນ​ຂ້າມ​ປະ​ເທດ
ຂໍ້​ມູນ​ສ່ວນ​ຕົວ​ທີ່​ການ​ບໍ​ລິ​ການ​ນີ້​ເກັບ​ກຳ ແລະ ສ້າງ​ຂຶ້ນ​ພາຍ​ໃນ​ສາ​ທາ​ລະ​ນະ​ລັດ ປະ​ຊາ​ຊົນ​ຈີນ​ຈະ​ຖືກ​ຈັດ​ເກັບ​ໄວ້​ໃນ​ສາ​ທາ​ລະ​ນະ​ລັດ ປະ​ຊາ​ຊົນ​ຈີນ ແລະ ບໍ່​ກ່ຽວ​ຂ້ອງ​ກັບ​ການ​ສົ່ງ​ຂໍ້​ມູນ​ຂ້າມ​ປະ​ເທດ. ​ຖ້າ​ຈຳ​ເປັນ​ຕ້ອງ​ມີ​ການ​ປະ​ມວນ​ຜົນ​ຂໍ້​ມູນ​ຂ້າມ​ປະ​ເທດ​ສຳ​ລັບ​ການ​ບໍ​ລິ​ການ​ນີ້, ພວກ​ເຮົາ​ຈະ​ປະ​ຕິ​ບັດ​ຂໍ້​ກຳ​ນົດ​ຂອງ​ກົດ​ໝາຍ, ກົດ​ລະ​ບຽບ​ການ​ປົ​ກ​ຄອງ ແລະ ໜ່ວຍ​ງານ​ທີ່​ກ່ຽວ​ຂ້ອງ​ຢ່າງ​ເຄັ່ງ​​​ຄັດ ແລະ ແຈ້ງ​ໃຫ້​ທ່ານ​ຮູ້​ເຖິງ​ຈຸດ​ປະ​ສົງ​ໂດຍ​ລະ​ອຽດ​, ຈຸດ​ທີ່​ຕັ້ງ​ການ​ສົ່ງ ແລະ ມາດ​ຕະ​ການ​ປົກ​ປ້ອງ​ດ້ານ​ເຕັກ​ນິກ​ລ່ວງ​ໜ້າ​ເພື່ອ​ຂໍ​ຄວາມ​ຍິນຍອມ​ທີ່​ຊັດ​ເຈນ​ຈາກ​ທ່ານ.

8. ຄວາມ​ປອດ​ໄພ ແລະ ການ​ປົ​ກ​ປ້ອງ​ຂໍ້​ມູນ
​ພວກ​ເຮົາ​ຈະ​ປົກ​ປ້ອ​ງ​ຂໍ້​ມູນ​ສ່ວນ​ຕົວ​ຂອງ​ທ່ານ​ດ້ວຍ​ມາດ​ຕະ​ການ​ ແລະ ໂປ​ຣ​ແກ​ຣມ​ຮັກ​ສາຄວາມ​ປອດ​ໄພ​ທີ່​ເໝາະ​ສົມ, ລວມ​ເຖິງ​ແຕ່​ບໍ່​ຈຳ​ກັດ​ຕໍ່​ການກວດ​ສອບ​ຄວາມ​ປອດ​ໄພ ແລະ ເຄື່ອງມືການ​ໃສ່​ລະ​ຫັດ ແລະ ຊອບ​ແວ. ສະ​ເພາະ​ຜູ້ຄວບ​ຄຸມ​ລະ​ບົບ​ເຄື່ອ​ຂ່າຍ ແລະ ພະ​ນັກ​ງານ​ທີ່​ກ່ຽວ​ຂ້ອງ​ທີ່​ຈຳ​ເປັນ​ຕ້ອງ​ຮູ້​ຂໍ້​ມູນ​ເທົ່າ​ນັ້ນ​ທີ່​ມີ​ສິດ​ເຂົ້າ​ເຖິງ​ຂໍ້​ມູນ​ທີ່​ເກັບ​ກຳ​ພາຍ​ໃນ. ຖ້າພວກ​ເຮົາ​ຢຸດ​​ດຳ​ເນີນ​ການ​ບໍ​ລິ​ການ​ນີ້​ ຫຼື ຖ້າທ່ານ​ຢຸດ​ໃຊ້​ການ​ບໍ​ລິ​ການ​ນີ້​ແລ້ວ, ພວກ​ເຮົາ​ຈະ​ບໍ່​ເກັບ​ກຳ ຫຼື ໃຊ້​ຂໍ້​ມູນ​​ຂອງ​ທ່ານ​ອີກ​ຕໍ່​ໄປ ແລະ ​ພວກ​ເຮົາຈະ​ບໍ່​ລະ​ບຸ ຫຼື ລຶບ​ຂໍ້​ມູນ​ຂອງ​ທ່ານ​ທີ່​​ພວກ​ເຮົາຈັດ​ເກັບ​ໄວ້.

9. ການ​ຈັດ​ການ​ຂໍ້​ມູນ
(1) ທ່ານ​ສາ​ມາດ​ໂທ​​ຫາຝ່າຍ​ບໍ​ລິ​ການ​ລູກ​ຄ້າ​ຂອງ​ພວກ​ເຮົາ​ ຫຼື ເຂົ້າ​​ເບິ່ງ vivo.com ເພື່ອ​​ຕິດ​ຕໍ່​ພວກ​ເຮົາ​ຜ່ານ​ຕົວ​ແທນ​ບໍ​ລິ​ການ​ອອນ​ລາຍ​ຂອງ​ພວກ​ເຮົາ​ເພື່ອ​ສົ່ງ​ຄຳ​ຂໍສອບ​ຖາມ, ປ່ຽນ​ແປງ ຫຼື ລຶບ​ຂໍ້​ມູນ​ສ່ວນ​ຕົວ​ຂອງ​ລູກ​ຂອງ​ທ່ານ. ​ເພື່ອ​ປົກ​ປ້ອງ​ຄວາມ​ປອດ​ໄພ​ຂອງ​ຂໍ້​ມູນ​ສ່ວນ​ຕົວ​ຂອງ​​ຂອງ​ທ່ານ​ໃຫ້ທີ່​ດີ​ຂຶ້ນ, ພວກ​ເຮົາ​ອາດ​ຈະ​ກວດ​ສອບ​ຕົວ​ຕົນ​ຂອງ​ທ່ານ​​ກ່ອນຍອມ​ຮັບ​ຄຳ​ຂໍຂອງ​ທ່ານ​ເພື່ອ​ຮັບ​ປະ​ກັນ​ວ່າ​​ຄຳ​ຂໍ​ດັ່ງ​ກ່າວ​ຖືກ​ເຮັດ​ໂດຍເຈົ້າ​ຂອງ​ຂໍ້​ມູນ​ສ່ວນ​ຕົວ ຫຼື ​ຕົວ​ແທນ​ທີ່​ໄດ້​ຮັບ​ອະ​ນຸ​ຍາດ​ຂອງ​ພວກ​ເຂົາ​​. ກະ​ລຸ​ນາ​ຮັບ​ປະ​ກັນ​ວ່າ​ຄຳ​ຂໍ​ຂອງ​ທ່ານ​ນັ້ນ​ສະ​ເພາະ​ເຈາະ​ຈົງ ແລະ ​ດຳ​ເນີນ​ການໄດ້​. ພວກ​ເຮົາ​ຈະ​ພະ​ຍາ​ຍາມ​ເຮັດ​ສຸດ​ຄວາມ​ສາ​ມາດ​ຂອງ​ພວກ​ເຮົາ​ເພື່ອ​​ດຳ​ເນີນ​ການ​ຕາມ​ຄຳ​ຂໍ​ທີ່ຍອມ​ຮັບ​ພາຍ​ໃນ​ 15 ວັນ​ເຮັດ​ວຽກ.
​(2) ທ່ານ​ສາ​ມາດ​ປ່ຽນ​ຂອບ​ເຂດ​ຂໍ້​ມູນ​ສ່ວນ​ຕົວ​ຂອງ​ທ່ານ​ທີ່​ທ່ານ​ອະ​​ນຸ​ຍາດ​ໃຫ້​ພວກ​ເຮົາ​ສືບ​ຕໍ່​ເກັບ​ກຳ ຫຼື ຖອນ​ການ​ອະ​ນຸ​ຍາດ​ຂອງ​ທ່ານ​ໄດ້​ໂດຍ​ການ​ປິດ​ໃຊ້​ງານ​ຟັງ​ຄ໌​ຊັນ​ທີ່​ກ່ຽວ​ຂ້ອງ​ໃນ​ອຸ​ປະ​ກອນ​ຂອງ​ທ່ານ ຫຼື ຕິດ​ຕໍ່​ພວກ​ເຮົາ. ກະ​ລຸ​ນາ​ເຂົ້າ​ໃຈ​ວ່າ​​ການ​ປະ​ຕິ​ບັດ​ງານຂອງຟັງ​ຄ໌​ຊັນ​​ການ​ບໍ​ລິ​ການແຕ່​ລະ​ຢ່າງ​​ຈຳ​ເປັນ​ຕ້ອງ​ໃຊ້ຂໍ້​ມູນ​ສ່ວນ​ຕົວ​ພື້ນ​ຖານ​ບາງ​ສ່ວນ. ຫຼັງ​ຈາກ​ທ່ານ​ຖອນ​ຄວາມ​ຍິນຍອມ ຫຼື ການ​ອະ​ນຸ​ຍາດ​ຂອງ​ທ່ານ, ພວກ​ເຮົາ​ຈະ​ບໍ່​ສາ​ມາດ​ໃຫ້​ການ​ບໍ​ລິ​ການ​ທີ່​ກ່ຽວ​ຂ້ອງ​ແກ່​ທ່ານ ຫຼື ພວກ​ເຮົາ​ຈະ​ບໍ່​ປະ​ມວນ​ຜົນ​ຂໍ້​ມູນ​ສ່ວນ​ຕົວ​ທີ່​ກ່ຽວ​ຂ້ອ​ງ​ຂອງ​ທ່ານ. ແນວ​ໃດ​ກໍ່​ຕາມ, ​ການ​ຖອນ​ຄຳ​ຍິນຍອມ ຫຼື ການ​ອະ​ນຸ​ຍາດ​ຂອງ​ທ່າ​ນ​ຈະ​ບໍ່​ສົ່ງ​ຜົນ​ຕໍ່​ການ​ປະ​ມວນ​ຜົນ​ຂໍ້​ມູນ​ສ່ວນ​ຕົວ​ທີ່​ດຳ​ເນີນ​ການ​ຕາມ​ການ​ອະ​ນຸ​ຍາດ​ຂອງ​ທ່ານ​ກ່ອນ​ໜ້າ​ນີ້.

10. ຄໍາປະຕິເສດ
ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ນີ້​ໄດ້ລະ​ບຸ​ເຖິງ​ມາດ​ຕະ​ຖານ​​ສຳ​ລັບ​ການ​ປົກ​ປ້ອງ​ຂໍ້​ມູນ​​ສ່ວນ​ຕົວ​ຂອງ vivo. vivo ຈະ​ປະ​ຕິ​ບັດ​ຕາມ​ມາດ​ຕະ​ຖານ​ດັ່ງ​ກ່າວ​ຢ່າງ​ເຄັ່ງ​ຄັດ ແລະ ຈະ​ໃຊ້​ມາດ​ຕະ​ການ​ທີ່​ເໝາະ​ສົມ ແລະ ເປັນ​ໄປ​ໄດ້​ທັງ​ໝົດ​ເພື່ອ​ປົກ​ປ້ອງ​ຂໍ້​ມູນ​ສ່ວນ​ຕົວ ແລະ ຄວາມ​ປອດ​ໄພ​ຂໍ້​ມູນ​ຂອງ​ທ່ານ. ​ແນວ​ໃດ​ກໍ່​ຕາມ, ກະ​ລຸ​ນາ​ຮັບ​ຮູ້ ແລະ ເຂົ້າ​ໃຈ​ວ່າ vivo ບໍ່​ສາ​ມາດ​ຄວບ​ຄຸມ​ທຸກປັດ​ໄຈ ຫຼື ວິ​ທີ​ການ​ທີ່​ພາກ​ສ່ວນ​ທີ​ສາມ​ເກັບ​ກຳ ແລະ ໃຊ້​ຂໍ້​ມູນ ແລະ ຂໍ້​ມູນ​ຂອງ​ທ່ານ ຫຼື ບໍ່​ມີ​ມາດ​ຕະ​ການ​​ໃດ​ທີ່​ຈະ​ບໍ່​ຜິດ​ພາດ​ແບບ​ບໍ່​ມີ​ບ່ອນ​ຕິ. ດັ່ງ​ນັ້ນ ພວກ​ເຮົາ​ຈຶ່ງ​ບໍ່​ສາ​ມາດ​​ຮັບ​ປະ​ກັນ​ໄດ້​ວ່າ​ຂໍ້​ມູນ ແລະ ຂໍ້​ມູນ​ຂອງ​ທ່ານ​ຈະ​ບໍ່​ຖືກ​ເປີດ​ເຜີຍ​ພາຍ​ໃຕ້​ສະ​ພາບ​ການ​ໃດ​ໜຶ່ງ. ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ນີ້​ນຳ​ໃຊ້​ກັບ​ວິ​ທີ​ການ​ທີ່​ vivo ເກັບ​ກຳ, ໃຊ້ ແລະ ແຊ​ຣ໌​ຂໍ້​ມູນ​ເທົ່າ​ນັ້ນ, ແຕ່​ບໍ່​ໄດ້​ນຳ​ໃຊ້​ກັບ​ການ​ບໍ​ລິ​ການ​ທີ່​ສະ​ໜອງ​ໃຫ້​ໂດຍ​ພາກ​ສ່ວນ​ທີ​ສາມ ຫຼື ວິ​ທີ​ການ​ທີ່​ພ​າກ​ສ່ວນ​ທີ​ສາມ​ເກັບ​ກຳ, ໃຊ້ ແລະ ແຊ​ຣ໌​ຂໍ້​ມູນ. ​ພວກ​ເຮົາ​ບໍ່​ຮັບ​ປະ​ກັນ​ກ່ຽວ​ກັບ​ການ​ເກັບ​ກຳ ແລະ/ຫຼື ການ​ໃຊ້​ຂໍ້​ມູນ ແລະ ຂໍ້​ມູນ​ຂອງ​ທ່ານ​ໂດຍ​ພາກ​ສ່ວນ​ທີ​ສາມ ແລະ ບໍ່​ຮັບ​ຜິດ​ຊອບ​ໃດໆ​ຕໍ່​ຂໍ້​ມູນ ແລະ ການ​ຮົ່ວ​ໄຫຼ​ຂອງ​ຂໍ້​ມູນ​ທີ່​ບໍ່​ກ່ຽວ​ຂ້ອງ​ກັບ vivo.

11. ກ່ຽວ​ກັບ​ນະ​ໂຍ​ບາຍ​ນີ້
vivo ຈະຂໍ​ສະ​ຫງວນ​ສິດ​ໃນ​ການ​ອັບ​ເດດ ຫຼື ແກ້​ໄຂ​​ນະ​ໂຍ​ບາຍນີ້​ເປັນ​ບາງ​ຄັ້ງ​ຄາວ. ​ເມື່ອ​ມີ​ການ​ປ່ຽນ​ແປງ​ຂໍ້​ກຳ​ນົດ​ຂອງ​ນ​ະ​ໂຍ​ບາຍ​ຄວາມ​ເປັນ​ສ່ວນ​ຕົວ​ນີ້, vivo ຈະ​ສະ​ແດງ​ຜົນ​ເວີ​ຊັນ​​ທີ່​ອັບ​ເດດ​ໃນ​ໜ້າ​ທີ່​ກ່ຽວ​ຂ້ອງ. ຖ້າ​​ການ​ປ່ຽນ​ແປງ​ຂໍ້​ກຳ​ນົດ​ມີ​ຜົນ​ກະ​ທົບ​ຢ່າງຫຼວງຫຼາຍ​ຕໍ່​ຜົນ​ປະ​ໂຫຍດ​ຂອງ​ທ່ານ, ພວກ​ເຮົາ​ຈະ​ແຈ້ງ​ໃຫ້​​ທ່ານ​ຮູ້​ໃນ​ລັກ​ສະ​ນະ​ທີ່​ໂດດ​ເດັ່ນ ຫຼື ຂໍ​ການ​ອະ​ນຸ​ຍາດ​ຈາກ​ທ່ານ​ອີ​ກ​ຄັ້ງ. ການ​ໃຊ້ ແລະ ການ​ໃຊ້​ການ​ບໍ​ລິ​ການ​ນີ້​ຢ່າງ​ຕໍ່​ເນື່ອງ​ຂອງ​ທ່ານ​ໝາຍ​ຄວາມ​ວ່າ​ທ່ານ​ເຫັນ​ດີ​ນຳ​ນະ​ໂຍ​ບາຍ​ນີ້ ແລະ ການ​ອັບ​ເດດ​ຂອງ​ມັນ. ​ຖ້າ​ທ່ານ​ບໍ່​ເຫັນ​ດີ​ນຳ​ນະ​ໂຍ​ບາຍ​ນີ້, ​ຫ້າມ​ໃຊ້​ການ​ບໍ​ລິ​ການ​ ຫຼື ກະ​ລຸ​ນາ​ປິດ​ໃຊ້ງານ​ການ​ບໍ​ລິ​ການ​ໃນ​ອຸ​ປະ​ກອນ​ຂອງ​ທ່ານ. ​ທ່ານ​ສາ​ມາດ​ຊອກ​ຫາ​ເວີ​ຊັນຫຼ້າ​ສຸດ​ຂອງ​ນະ​ໂຍ​ບາຍ​ນີ້​ໄດ້​ໃນການ​ຕັ້ງ​ຄ່າ​ອຸ​ປະ​ກອນ​ຂອງ​ພວກ​​ເຮົາ.

12. ວິ​ທີ​ຕິດ​ຕໍ່​ພວກ​ເຮົາ
ຖ້າ​ທ່ານ​ມີ​ຄຳ​ຖາມ, ຄຳ​​ຄິດ​ເຫັນ ຫຼື ​ຄຳ​ແນະ​ນຳ, ກະ​ລຸ​ນາ​ໂທ​ຫາ​​ສາຍ​ດ່ວນບໍ​ລິ​ການ​ລູກ​ຄ້າ​ຂອງ​ພວກ​ເຮົາ​ໄດ້​ທີ່​ເບີ 400-678-9688, ຫຼື ​ເຂົ້າ​ໄປ​ທີ່ https://www.vivo.com ​ເພື່ອ​ຕິດ​ຕໍ່​ພວກ​ເຮົາ​ຜ່ານ​ຕົວ​ແທນ​ບໍ​ລິ​ການ​ອອນ​ລາຍ​ຂອງ​ພວກ​ເຮົາ.
ຖ້າ​ທ່ານ​ບໍ່​ພໍ​ໃຈ​ກັບ​ການ​ຕອບ​ກັບ ຫຼື ການ​ຈັດ​ການ​ຂອງ​ພວກ​ເຮົາ, ທ່ານ​ສາ​ມາດ​ປ່ຽນ​ໄປ​ໃຊ້​ວິ​ທີ​ທາງ​ພາຍນອກ​ໂດຍ​ການ​ສົ່ງ​ຄຳ​ຂໍ​ຫາສານ​ປະ​​ຊາ​ຊົນ​ດົງ​ກວນ​ໝາຍ​ເລກ 2 ໃນ​ແຂວງກວາງ​ດົງ ປະ​ເທດ​ຈີນ (ໂທ: 0769-89889888) ສຳ​ລັບ​ເຂດ​ອຳ​ນາ​ດ​ຕັດ​ສິນ ຫຼື ໂດຍ​ການ​ຂໍ​ຄວາມ​ຊ່ວຍ​ເຫຼືອ​ຈາກ​​ສະ​ມາ​ຄົມ​ຄວບ​ຄຸມ​ດູ​ແລ​ອຸດ​ສະ​ຫະ​ກຳ ຫຼື ໜ່ວຍ​ງານ​ຄວບ​ຄຸມ​ດູ​ແລ​ຂອງ​ລັດ​ຖະ​ບານ.

ລິ​ຂະ​ສິດ ©2016-​ປະ​ຈຸ​ບັນ vivo Mobile Communication Co., Ltd. ສະຫງວນລິຂະສິດ.
ທີ່​ຢູ່​ຈົດ​ທະ​ບຽນ: No. 168, Jinghai East Road, Chang'an Town, Dongguan City, Guangdong Province, People's Republic of China
ອັບ​ເດດຫຼ້າ​ສຸດ: 09 ພະຈິກ 2020