កិច្ចព្រមព្រៀងស្ដីពីសេវាកម្មអ្នកប្រើ EasyShare
ជូនចំពោះអ្នកប្រើប្រាស់
EasyShare (ចាប់ពីពេលនេះតទៅហៅកាត់ថា "សេវាកម្មនេះ") ត្រូវបានដំណើរការដោយក្រុមហ៊ុន vivo Mobile Communication Co., Ltd. និងក្រុមហ៊ុនសាខាសកលរបស់ខ្លួន (ចាប់ពីពេលនេះតទៅហៅកាត់ថា "vivo", "យើង" ឬ "របស់យើង")។ កិច្ចព្រមព្រៀងសេវាកម្មអ្នកប្រើនេះ គឺជាកិច្ចព្រមព្រៀងស្របច្បាប់ដែលអាចអនុវត្តបានរវាងអ្នក (អ្នកប្រើ) និងក្រុមហ៊ុន vivo Mobile Communication Co., Ltd. និងអ្នកទទួលអាជ្ញាប័ណ្ណពីក្រុមហ៊ុន។
តាមរយៈកិច្ចព្រមព្រៀងនេះ អ្នកនឹងយល់អំពីរបៀបដែល vivo ផ្តល់ជូនសេវាកម្មនេះដល់អ្នក វិធានដែលអ្នកត្រូវអនុវត្តតាម នៅពេលប្រើសេវាកម្មនេះ សេចក្តីថ្លែងការណ៍របស់ vivo ទាក់ទងនឹងការផ្តល់សេវាកម្មនេះ និងសេវាកម្មពាក់ព័ន្ធរបស់ខ្លួន និងព័ត៌មានសំខាន់ផ្សេងៗទៀត។ សូមអានកិច្ចព្រមព្រៀងនេះដោយប្រុងប្រយ័ត្ន និង យកចិត្តទុកដាក់ជាពិសេសលើការបដិសេធន៍ទទួលខុសត្រូវ និងលក្ខខណ្ឌស្តីពីយុត្តាធិការនៃការដោះស្រាយវិវាទ និងការប្រមូលព័ត៌មាន។ ដើម្បីចូល និងប្រើប្រាស់សេវាកម្មនេះ អ្នកគប្បីមានអាយុ យ៉ាងតិច 18 ឆ្នាំ ឬដល់នីតិភាពនៅក្នុងតំបន់របស់អ្នក។ បើសិនជាអ្នកមានអាយុក្រោម 18 ឆ្នាំ អ្នកត្រូវទទួលបានការយល់ព្រមពីឪពុកម្តាយ ឬអាណាព្យាបាលស្របច្បាប់របស់អ្នក ដើម្បីប្រើសេវាកម្មនេះ។ អនីតិជនគប្បីមានអាណាព្យាបាលស្របច្បាប់របស់ពួកគេនៅជាមួយពេលអានកិច្ចព្រមព្រៀងនេះ។ តាមរយៈការជ្រើសរើសទាញយក និងដំឡើងសូហ្វវែរ និងប្រើប្រាស់សេវាកម្មនេះ មានន័យថា អ្នកបានព្រមទទួលយកគ្រប់លក្ខខណ្ឌនៃកិច្ចព្រមព្រៀងនេះ ហើយបានឈានដល់ការព្រមព្រៀងដែលត្រូវប្រតិបត្តិតាមផ្លូវច្បាប់ជាមួយ vivo។
1. អំពីសេវាកម្មនេះ
សេវាកម្មនេះត្រូវបានរចនាឡើង ដើម្បីផ្ដល់នូវមុខងារដូចជា ការផ្ទេរឯកសាររវាងឧបករណ៍ ក្លូនទូរសព្ទ ការបម្រុងទុកទិន្នន័យ និងការបញ្ជាំងវៃឆ្លាត ដើម្បីបំពេញតាមតម្រូវការរបស់អ្នកក្នុងការផ្ទេរមាតិកា និងបញ្ចាំងអេក្រង់បានឆាប់រហ័ស។ មុខងារចម្បងរបស់វារួមមាន៖
(1) ការកំណត់ព័ត៌មានផ្ទាល់ខ្លួន៖ អ្នកអាចកំណត់ឈ្មោះហៅក្រៅ និងរូបភាពប្រវត្តិរូបរបស់អ្នកសម្រាប់ការប្រើប្រាស់សេវាកម្មនេះបាន។
(2) ការផ្ទេរឯកសារ៖ អ្នកអាចប្រើប្រាស់សេវាកម្មនេះ ដើម្បីបង្កើតការតភ្ជាប់ជាមួយឧបករណ៍មួយផ្សេងទៀត និងទទួល/បញ្ជូនទំនាក់ទំនង សារ SMS កំណត់ហេតុហៅទូរសព្ទ ប្រតិទិន កម្មវិធី កំណត់សម្គាល់ រូបភាព តន្ត្រី វីដេអូ ការថត ការកំណត់ និងខ្លឹមសារដទៃទៀតដែលត្រូវបានគាំទ្រដោយសេវាកម្មនេះ (ហៅជារួមថា "ខ្លឹមសារអ្នកប្រើ") ពី/ទៅឧបករណ៍ផ្សេងទៀតនៅក្នុងលក្ខណៈទល់មុខគ្នា។
កំណត់សម្គាល់៖ កំណែ iOS នៃសេវាកម្មនេះគាំទ្រតែការផ្ទេរទំនាក់ទំនង រូបថត វីដេអូ និងតន្ត្រីប៉ុណ្ណោះ។
(3) Web Share៖ អ្នកអាចប្រើសេវាកម្មនេះដើម្បីបង្កើតការតភ្ជាប់ជាមួយទំព័រវិបកុំព្យូទ័ររបស់អ្នក ដែលអាចឱ្យអ្នកផ្ទេរឯកសាររវាងទូរសព្ទ និងកុំព្យូទ័ររបស់អ្នកបានរហ័ស។
(4) ទូរសព្ទក្លូន៖ អ្នកអាចធ្វើតាមការណែនាំនៅលើទំព័រសេវាកម្ម ដើម្បីជ្រើសរើសទូរសព្ទចាស់សម្រាប់ផ្ញើទិន្នន័យ និងទូរសព្ទថ្មីសម្រាប់ទទួលទិន្នន័យតាមតម្រូវការ និងភ្ជាប់ឧបករណ៍នានា ដើម្បីងាយស្រួលផ្លាស់ទីទិន្នន័យនៅពេលប្ដូរទូរសព្ទរបស់អ្នក។
(5) ការបម្រុងទុកទិន្នន័យ៖ តាមរយៈការបង្កើតការតភ្ជាប់ជាមួយកុំព្យូទ័ររបស់អ្នក អ្នកអាចធ្វើការបម្រុងទុក និងរក្សាទុកទិន្នន័យដែលនៅលើទូរសព្ទរបស់អ្នកទៅកុំព្យូទ័ររបស់អ្នក ឬស្ដារទិន្នន័យឡើងវិញទៅទូរសព្ទរបស់អ្នកបានគ្រប់ពេល។ ទិន្នន័យដែលត្រូវបានគាំទ្ររួមមាន ទំនាក់ទំនង សារ SMS កំណត់ហេតុហៅទូរសព្ទ ប្រតិទិន កម្មវិធី កំណត់សម្គាល់ រូបភាព តន្ត្រី វីដេអូ ការថត និងការកំណត់។
(6) ការបញ្ចាំងឆ្លាតវៃ៖ អ្នកអាចប្រើសេវាកម្មនេះ ដើម្បីបញ្ចាំងអេក្រង់នៃឧបករណ៍របស់អ្នកទៅ PC ឬទូរទស្សន៍តាមពេលវេលាជាក់ស្តែង។
(7) ពហុអេក្រង់៖ អ្នកអាចប្រើសេវាកម្មនេះដើម្បីធ្វើអន្តរកម្មជាមួយឧបករណ៍ផ្សេងទៀត (ដូចជាកុំព្យូទ័រ និងទូរសព្ទ) តាមរយៈការផ្ទេរឯកសារ ការទាញយក ការបង្ហាញការជូនដំណឹង ការបើកនិងកែសម្រួលឯកសារ ការឆ្លើយតបការហៅទូរសព្ទ និងមុខងារផ្សេងទៀត។
(8) ការគាំទ្រជាក់លាក់ ឬមុខងារថ្មីៗប្រែប្រួលអាស្រ័យលើកំណែសូហ្វវែររបស់អ្នក។ សម្រាប់សំណួរនានា សូមទាក់ទងសេវាកម្មបម្រើអតិថិជនរបស់យើង។
(9) ប្រសិនបើអ្នកជ្រើសរើសប្រើប្រាស់សេវាកម្មរបស់ភាគីទីបីតាមរយៈសេវាកម្មនេះ សូមអានកិច្ចព្រមព្រៀងដែលពាក់ព័ន្ធរបស់អ្នកផ្តល់សេវាភាគីទីបីមុនពេលប្រើប្រាស់សេវាកម្ម។ ក្នុងករណីមានវិវាទណាមួយកើតឡើងចេញពីការប្រើប្រាស់សេវាកម្មរបស់ភាគីទីបីដោយអ្នក អ្នកត្រូវទាក់ទងអ្នកផ្តល់សេវាកម្មភាគីទីបី ដើម្បីធ្វើការដោះស្រាយដោយខ្លួនឯង។
2. អាជ្ញាប័ណ្ណសូហ្វវែរ
1) ការផ្តល់អាជ្ញាប័ណ្ណ៖ ក្រុមហ៊ុន vivo នឹងផ្តល់ឱ្យអ្នកនូវអាជ្ញាប័ណ្ណមានដែនកំណត់ មិនផ្តាច់មុខ និងមិនអាចផ្ទេរបានដើម្បីប្រើសូហ្វវែរនេះ ព្រមទាំងឯកសារពាក់ព័ន្ធរបស់វាដោយយោងទៅតាមលក្ខខណ្ឌដូចខាងក្រោមនេះ ប៉ុន្តែអ្នកមិនមានសិទ្ធិក្នុងការផ្ដល់អាជ្ញាប័ណ្ណបន្តទេ។
2) ការកំហិតអាជ្ញាប័ណ្ណ៖
a) អ្នកអាចទាញយក ដំឡើង និងប្រើប្រាស់សូហ្វវែរនេះក្នុងគោលបំណងមិនមែនពាណិជ្ជកម្មនៅលើឧបករណ៍ចល័តតែមួយ។ លើកលែងតែ vivo អនុញ្ញាតច្បាស់លាស់ផ្សេងពីនេះ ឬការកំហិតក្នុងនេះត្រូវបានហាមឃាត់យ៉ាងជាក់លាក់ដោយច្បាប់ជាធរមាន បើមិនដូច្នោះទេ អ្នកមិនត្រូវ៖ (i) អនុញ្ញាតឱ្យបុគ្គលផ្សេងទៀតប្រើសូហ្វវែរនេះ (ii) កែប្រែ បកប្រែ ប្រើបច្ចេកទេសបញ្ច្រាស បំបែក ឬរុះរើសូហ្វវែរ/ឯកសារនេះ ឬបង្កើតស្នាដៃបម្លែងចេញដែលមានមូលដ្ឋានលើសូហ្វវែរ/ឯកសារនេះ (iii) ផលិតសូហ្វវែរ/ឯកសារនេះឡើងវិញ (អនុញ្ញាតឱ្យធ្វើការបម្រុងទុកសម្រាប់សេវាកម្ម/ការជំនួស ប៉ុន្តែមិនត្រូវដំឡើង ឬប្រើប្រាស់នៅលើកុំព្យូទ័រណាមួយឡើយ ហើយវានឹងត្រូវបានលុបចោល/បោះបង់ភ្លាមៗនៅពេលដែលសេវាកម្ម/ការជំនួសនោះត្រូវបានបញ្ចប់។ រាល់ការបម្រុងទុកផ្សេងទៀតនៃសូហ្វវែរនេះត្រូវបានចាត់ទុកថាជាការរំលោភលើកិច្ចព្រមព្រៀងនេះ។) (iv) ជួល ផ្ទេរ ឬផ្ដល់អាជ្ញាប័ណ្ណបន្តនូវសូហ្វវែរ/ឯកសារនេះ ឬផ្ទេរសិទ្ធិរបស់អ្នកចំពោះសូហ្វវែរ/ឯកសារនេះទៅអ្នកដទៃ (v) យកសេចក្តីប្រកាស ឬស្លាកកម្មសិទ្ធិណាមួយចេញពីសូហ្វវែរ/ឯកសារនេះ ឬ (vi) បន្ថែមសូហ្វវែរផ្សេងទៀតទៅក្នុងសូហ្វវែរនេះ ឬក៏បញ្ចូលគ្នានូវសូហ្វវែរផ្សេងទៀតជាមួយប្រព័ន្ធប្រតិបត្តិការ/សូហ្វវែរនេះ។
b) អ្នកយល់ព្រមប្រើប្រាស់សូហ្វវែរ/ឯកសារនេះក្នុងករណីដែលស្របតាមច្បាប់ដែលពាក់ព័ន្ធទាំងអស់ប៉ុណ្ណោះ។
c) អ្នកមិនត្រូវប្រើសេវាកម្មនេះក្នុងគោលបំណងខុសច្បាប់ណាមួយ ព្យាយាមស្កេនរកភាពងាយរងគ្រោះនៃសេវាកម្មនេះដោយគ្មានការអនុញ្ញាត ឬធ្វើសកម្មភាពណាមួយដែលរំខានដល់សេវាកម្មផ្ញើសារតាមបណ្តាញជាធម្មតា (ដូចជាការរំខានដល់ប្រតិបត្តិការធម្មតារបស់សេវាកម្មនេះ និងការចម្លងមេរោគដោយចេតនា) ឡើយ។
3. សេចក្តីថ្លែងការណ៍អំពីកម្មសិទ្ធិបញ្ញា
ភាពជាម្ចាស់ និងកម្មសិទ្ធិបញ្ញានៃសូហ្វវែរ/ឯកសារនេះត្រូវបានកាន់កាប់ដោយ vivo (រួមទាំងអ្នកផ្គត់ផ្គង់/អ្នកផ្ដល់អាជ្ញាប័ណ្ណដែលពាក់ព័ន្ធទាំងអស់)។ ភាពជាម្ចាស់ និងកម្មសិទ្ធិបញ្ញានៃមាតិកាដែលអ្នកចូលប្រើតាមរយៈសូហ្វវែរនេះ (រាប់បញ្ចូលទាំងមាតិកានៅក្នុងឯកសារបទបង្ហាញប្រព័ន្ធផ្សព្វផ្សាយរបស់សូហ្វវែរនេះ) នៅតែត្រូវបានកាន់កាប់ដោយម្ចាស់មាតិកាដែលត្រូវគ្នា ហើយត្រូវបានការពារដោយច្បាប់រក្សាសិទ្ធិពាក់ព័ន្ធ ឬច្បាប់ផ្សេងទៀត។ អាជ្ញាប័ណ្ណនេះមិនផ្តល់ជូនអ្នកនូវសិទ្ធិណាមួយចំពោះខ្លឹមសារបែបនេះទេ។
4. អំពីការដំឡើង និងការដំឡើងជំនាន់សូហ្វវែរ
អ្នកត្រូវទាញយក និងដំឡើងសូហ្វវែរនេះពីបណ្ដាញផ្លូវការ ឬហាងដែលបានចាត់តាំងរបស់ vivo។ ដើម្បីការពារអ្នកពីមេរោគ ឬកម្មវិធីគ្រោះថ្នាក់ណាមួយ សូមកុំទាញយកវាពីគេហទំព័រមិនផ្លូវការ។ អ្នកក៏ត្រូវជ្រើសរើសកំណែសូហ្វវែរមួយដែលត្រូវគ្នានឹងម៉ូដែលឧបករណ៍របស់អ្នក ឬធ្វើបច្ចុប្បន្នភាពកំណែសូហ្វវែរដោយខ្លួនអ្នក។ បញ្ហាណាមួយទាក់ទងនឹងការប្រើប្រាស់សូហ្វវែរ ការគាំទ្រខាងមុខងារ និងការតភ្ជាប់ឧបករណ៍ ដោយសារតែភាពមិនត្រូវគ្នារវាងកំណែសូហ្វវែរ និងម៉ូដែលឧបករណ៍របស់អ្នក នឹងត្រូវទទួលរ៉ាប់រងដោយខ្លួនអ្នក។
ការចរាចរទិន្នន័យ ឬការគិតប្រាក់អាចនឹងកើតមានក្នុងពេលទាញយក និងធ្វើបច្ចុប្បន្នភាពសូហ្វវែរ (អាស្រ័យលើក្រុមហ៊ុនផ្ដល់សេវាទូរសព្ទរបស់អ្នក) ហើយនឹងត្រូវទទួលរ៉ាប់រងដោយខ្លួនអ្នក។
5. ការសន្យា និងការធានារបស់អ្នកប្រើ
ដោយអនុលោមតាមកិច្ចព្រមព្រៀងនេះ អ្នកអាចប្រើសេវាកម្មនេះដើម្បីកំណត់រូបភាពប្រវត្តិរូប និងឈ្មោះហៅក្រៅរបស់អ្នក បញ្ជូនឯកសារ និងទិន្នន័យ ព្រមទាំងបញ្ចាំងអេក្រង់របស់អ្នកបាន។ ទោះជាយ៉ាងណានេះក្ដី អ្នកត្រូវបញ្ជាក់ថា អ្នកនឹងប្រើប្រាស់សេវាកម្មនេះស្របតាមច្បាប់ និងបទប្បញ្ញត្តិ ហើយមិនប្រើសេវាកម្មនេះ (តាមរយៈការកំណត់ផ្ទាល់ខ្លួន ឬ EasyShare) ដើម្បីផ្សព្វផ្សាយព័ត៌មានណាមួយដែលរំលោភច្បាប់ និងបទប្បញ្ញត្តិជាតិ ឬគោលនយោបាយឡើយ។ ព័ត៌មានបែបនេះ រួមមានប៉ុន្តែមិនកំណត់ត្រឹមតែ៖
(a) ព័ត៌មានដែលរំលោភលើគោលការណ៍គ្រឹះដែលមានចែងក្នុងរដ្ឋធម្មនុញ្ញ
(b) ព័ត៌មានដែលបង្កគ្រោះថ្នាក់ដល់សន្តិសុខ ឬឯកភាពជាតិ បំផ្លាញការសម្ងាត់ជាតិ ឬញុះញង់ឱ្យមានការវិទ្ធង្សនា
(c) ព័ត៌មានដែលធ្វើឱ្យខូចកិត្តិយស និងផលប្រយោជន៍ជាតិ
(d) ព័ត៌មានដែលញុះញង់ឱ្យមានការស្អប់ និងការរើសអើង ឬបំផ្លាញសាមគ្គីភាពជនជាតិ
(e) ព័ត៌មានដែលបំផ្លាញគោលនយោបាយសាសនាជាតិ ឬគាំទ្រសាសនាខុសឆ្គង និងជំនឿឆ្វេងនិយមសក្តិភូមិ
(f) ព័ត៌មានដែលផ្សព្វផ្សាយពាក្យចចាមអារាម រំខានដល់សណ្តាប់ធ្នាប់សង្គម ឬធ្វើឱ្យមានអស្ថិរភាពសង្គម
(g) ព័ត៌មានដែលផ្សព្វផ្សាយអំពីភាពអាសគ្រាម រូបភាពអាសអាភាស ល្បែងស៊ីសង អំពើហិង្សា ឃាតកម្ម អំពើភេរវកម្ម ឬញុះញង់ឱ្យមានបទឧក្រិដ្ឋ
(h) ព័ត៌ មានដែលប្រមាថ ឬបង្កាច់បង្ខូច ឬរំលោភសិទ្ធិ និងផលប្រយោជន៍ស្រប ច្បាប់របស់អ្នកដទៃ
(i) ព័ត៌មានដែលរំលោភបំពានលើសិទ្ធស្របច្បាប់ របស់អ្នកដទៃដូចជាសិទ្ធិកម្មសិទ្ធិបញ្ញា និងការសម្ងាត់អាជីវកម្ម
(j) ព័ត៌មានទាំងឡាយណាដែលអាចផ្ទុយនឹងភាពសុចរិត សណ្តាប់ធ្នាប់សាធារណៈ ឬសីលធម៌ល្អ ឬក៏ព័ត៌មានទាំងឡាយណាដែលត្រូវបានហាមឃាត់ដោយច្បាប់ និងបទប្បញ្ញត្តិនានា។
ផលវិបាកដែលបណ្ដាលមកពីអ្នករំលោភបំពានលើបទប្បញ្ញត្តិនេះ ដោយរួមមាន ប៉ុន្តែមិនកំណត់ត្រឹមតែការទទួលខុសត្រូវផ្នែកច្បាប់ និងសំណងចំពោះអ្វីៗដែលខូចខាត នឹងត្រូវទទួលរ៉ាប់រងដោយខ្លួនអ្នក។
6. ការបដិសេធទទួលខុសត្រូវ និងដែនកំណត់នៃការទទួលខុសត្រូវ
សេវាកម្មនេះគឺសម្រាប់តែប្រើប្រាស់ផ្ទាល់ខ្លួនរបស់អ្នកប៉ុណ្ណោះ ហើយមិនត្រូវផ្ដល់ឲ្យទៅភាគីទីបីឡើយ។ សូហ្វវែរ ឯកសារ និងខ្លឹមសារត្រូវបានផ្ដល់ជូន "ដូចដើម"។ ក្រុមហ៊ុន vivo មិនមានការតំណាង ឬការធានាណាមួយឡើយ ទោះបីជាដោយជាក់ស្តែង ឬដោយតុណ្ហីភាពរួមមាន ប៉ុន្តែមិនកំណត់ត្រឹមតែការតំណាង និងការធានាទាក់ទងនឹងការធ្វើជំនួញផលិតផល និងការអនុវត្តគោលបំណងពិសេស ក៏ដូចជាការពាក់ព័ន្ធនឹងករណីដូចខាងក្រោមផងដែរ៖
1) សេវាកម្មនេះនឹងបំពេញតម្រូវការជាក់លាក់របស់អ្នក 2) សេវាកម្មនេះនឹងត្រូវបានផ្តល់ជូនដោយឥតឈប់ឈរ ទាន់ពេលវេលា និងមានសុវត្ថិភាពដោយគ្មានកំហុសអ្វីឡើយ 3) ព័ត៌មានទាំងអស់ដែលអ្នកទទួលបានពីការប្រើប្រាស់សេវាកម្មនេះគឺត្រឹមត្រូវ ឬអាចទុកចិត្តបាន 4) បញ្ហា ឬកំហុសណាមួយដែលជាផ្នែកមួយនៃសេវាកម្មនឹងត្រូវបានដោះស្រាយ។
ក្រុមហ៊ុន vivo នឹងមិនទទួលខុសត្រូវចំពោះកំហុស ឬការប្រើប្រាស់សេវាកម្មណាមួយដោយខុសច្បាប់/មិនគោរពតាមច្បាប់ ដំណើរការ ឬមុខងារដែលក្រុមហ៊ុន vivo បានផ្ដល់ជូនឡើយ។ អ្នកត្រូវតែគោរពតាមច្បាប់ចូលជាធរមានទាំងអស់ នៅពេលប្រើប្រាស់ដំណើរការ មុខងារ ឬសេវាកម្មដែលក្រុមហ៊ុន vivo បានផ្ដល់ជូន។
7. ការផ្អាក ឬបញ្ចប់កិច្ចព្រមព្រៀងនេះ
កិច្ចព្រមព្រៀងនេះអាចនឹងត្រូវផ្អាក ឬបញ្ចប់ក្នុងកាលៈទេសៈដូចខាងក្រោម៖
(a) អ្នកស្នើសុំបញ្ចប់សេវាកម្មនេះ ហើយលុបសូហ្វវែរនេះ
(b) អ្នកបានរំលោភបំពាន ឬ vivo ជឿជាក់ដោយមានហេតុផលសមរម្យថា អ្នកបានរំលោភបំពាន ឬត្រូវបានសង្ស័យថា កំពុងរំលោភបំពានលើលក្ខខណ្ឌរបស់ច្បាប់ និងបទប្បញ្ញត្តិ ឬលើខ្លឹមសារណាមួយដែលមានចែងក្នុងកិច្ចព្រមព្រៀងនេះ ដែលរួមមានការកំហិតលើអាជ្ញាប័ណ្ណ ការសន្យា និងការធានារបស់អ្នកជាដើម។
(c) vivo ផ្អាក ឬបញ្ចប់សេវាកម្មនេះតាមការទាមទារដោយច្បាប់ និងបទប្បញ្ញត្តិ ឬអាជ្ញាធរជាតិដែលពាក់ព័ន្ធ
(d) មានព្រឹត្តិការណ៍ប្រធានសក្ដិ ឬបញ្ហាបច្ចេកទេសដែលមិនអាចទាយទុកជាមុន (ដោយរួមមាន ប៉ុន្តែមិនកំណត់ត្រឹមតែការវាយប្រហារតាមបណ្ដាញអ៊ីនធឺណិត ការខូចបណ្ដាញ ការឆ្លងមេរោគ ឬឧប្បត្តិហេតុផ្សេងទៀតដែលប៉ះពាល់ដល់ដំណើរការធម្មតានៃអ៊ីនធឺណិត)
(e) សេវាកម្មនេះគួរតែត្រូវផ្អាក ឬបញ្ចប់ដោយសារកាលៈទេសៈផ្សេងទៀតដែលតម្រូវដោយច្បាប់ និងបទប្បញ្ញត្តិ ឬបុព្វហេតុដែលមិនទប់ទល់បាន ឬការរៀបចំអាជីវកម្ម vivo ជាថ្មី។
ក្នុងករណីមានកាលៈទេសៈដូចខាងលើ
(a) ក្រុមហ៊ុន vivo មានសិទ្ធិផ្អាក ឬបញ្ឈប់អាជ្ញាប័ណ្ណដែលបានផ្តល់ឱ្យអ្នក ឬក៏ចាត់វិធានការរឹតបន្តឹងផ្សេងទៀតស្របតាមកិច្ចព្រមព្រៀងនេះ
(b) បទប្បញ្ញត្តិទាំងឡាយណានៅក្នុងកិច្ចព្រមព្រៀងនេះដែលរួចផុតពីការបញ្ចប់កិច្ចព្រមព្រៀងនេះតាមការបង្ហាញច្បាស់លាស់ ឬតាមលក្ខណៈធម្មជាតិរបស់ពួកវា នឹងបន្តមានប្រសិទ្ធិភាពបន្ទាប់ពីការបញ្ចប់រហូតដល់ពួកវាត្រូវបានបំពេញ ឬផុតកំណត់ដោយលក្ខណៈធម្មជាតិរបស់ពួកគេ។
8. ច្បាប់ដែលអាចអនុវត្តបាន និងលក្ខខណ្ឌគ្រប់គ្រង
បើគ្មានការបញ្ជាក់ផ្សេងដោយច្បាប់នៅទីតាំងរបស់អ្នកទេ កិច្ចព្រមព្រៀងនេះនឹងត្រូវគ្រប់គ្រង និងបកស្រាយស្របតាម ច្បាប់នៃសាធារណរដ្ឋប្រជាមានិតចិនដោយមិនគិតពីទំនាស់គោលការណ៍ច្បាប់ឡើយ។ អ្នកយល់ព្រមនឹងយុត្តាធិការតាម និងទីតាំងនៅក្នុងតុលាការប្រជាមានិតនៅតុងគួនលេខ 2 ហើយបោះបង់ចោលការជំទាស់នឹងយុត្តាធិការ ឬទីតាំងបែបនេះ។ ប្រសិនបើតុលាការប្រជាជនសម្រេចថាបទប្បញ្ញត្តិ ឬផ្នែកណាមួយនៃបទប្បញ្ញត្តិនៅក្នុងកិច្ចព្រមព្រៀងនេះមិនអាចអនុវត្តបានដោយសារហេតុផលអ្វីក៏ដោយ បទប្បញ្ញត្តិដែលនៅសល់នឹងនៅតែមានសុពលភាព និងមានប្រសិទ្ធភាព។
9. ការធ្វើបច្ចុប្បន្នភាពកិច្ចព្រមព្រៀង
កិច្ចព្រមព្រៀងនេះនឹងមានប្រសិទ្ធភាពចាប់ពីថ្ងៃដែលវាត្រូវបានចេញផ្សាយ ឬធ្វើបច្ចុប្បន្នភាព។ ទាំង vivo និងអ្នកប្រើទាំងអស់ដែលបានបើក និងប្រើប្រាស់សេវាកម្មនេះនឹងត្រូវបានចងភ្ជាប់កាតព្វកិច្ចដោយកិច្ចព្រមព្រៀងនេះ។
vivo មានសិទ្ធិផ្លាស់ប្តូរលក្ខខណ្ឌសេវាកម្ម (ដូចជាការកែប្រែ ការបន្ថែម ឬការលុបលក្ខខណ្ឌដែលពាក់ព័ន្ធ) ពីពេលមួយទៅពេលមួយដោយផ្អែកលើស្ថានភាពប្រតិបត្តិការរបស់ខ្លួន បរិស្ថានទីផ្សារ និងកត្តាផ្សេងទៀត។ នៅពេលលក្ខខណ្ឌសេវាកម្មត្រូវបានផ្លាស់ប្តូរ នោះ vivo ត្រូវធ្វើបច្ចុប្បន្នភាព និងបង្ហាញកំណែដែលបានធ្វើបច្ចុប្បន្នភាពនៅលើទំព័រដែលពាក់ព័ន្ធ។ ប្រសិនបើអ្នកមិនយល់ស្របនឹងការផ្លាស់ប្ដូរលក្ខខណ្ឌនេះទេ អ្នកអាចឈប់ប្រើប្រាស់សេវាកម្មនេះបាន។ តាមរយៈការបន្តប្រើប្រាស់សេវាកម្មដែលផ្ដល់ដោយ vivo មានន័យថា អ្នកបានព្រមទទួលយករាល់ការផ្លាស់ប្តូរចំពោះលក្ខខណ្ឌ។
10. របៀបទាក់ទងមកយើង
ប្រសិនបើអ្នកមានសំណួរ យោបល់ ឬសំណូមពរណាមួយ សូមទូរសព្ទមកកាន់ផ្នែកសេវាបម្រើអតិថិជនរបស់យើងតាមលេខ 400-678-9688 ឬចូលទៅគេហទំព័រ https://www.vivo.com ដើម្បីទាក់ទងមកយើងតាមរយៈភ្នាក់ងារសេវាកម្មលើបណ្ដាញរបស់យើង។
11. លក្ខខណ្ឌទូទៅ
(1) រាល់ចំណងជើងទាំងអស់នៅក្នុងកិច្ចព្រមព្រៀងនេះ គឺធ្វើឡើងសម្រាប់តែភាពសមរម្យ និងភាពងាយស្រួលនៃឯកសារយោងប៉ុណ្ណោះ ហើយមិនមានឥទ្ធិពលអ្វីលើ ការបកស្រាយនូវបទប្បញ្ញត្តិណាមួយនៅក្នុងកិច្ចព្រមព្រៀងនេះឡើយ។
(2) ប្រសិនបើបទប្បញ្ញត្តិណាមួយនៅក្នុងកិច្ចព្រមព្រៀងនេះត្រូវបានទុកមិនឱ្យមានសុពលភាពទាំងស្រុង ឬដោយផ្នែក ឬមិនអាចប្រតិបត្តិបានដោយសារហេតុផលអ្វីក៏ដោយ បទប្បញ្ញត្តិដែលនៅសល់នៅទីនេះនឹងនៅតែមានសុពលភាព និងភ្ជាប់កាតព្វកិច្ចដដែល។
(3) គ្មានខ្លឹមសារណានៅទីនេះត្រូវបានគេចាត់ទុកថា ឬដើម្បីបង្កើតទំនាក់ទំនងភាពជាដៃគូ ឬភ្នាក់ងាររវាងអ្នក និងក្រុមហ៊ុន vivo ឡើយ។
(4) vivo មានសិទ្ធិបកស្រាយបទប្បញ្ញត្តិនៅក្នុងកិច្ចព្រមព្រៀងនេះក្នុងវិសាលភាពដែលអនុញ្ញាតដោយច្បាប់ និងបទប្បញ្ញត្តិ។
រក្សាសិទ្ធិ © ឆ្នាំ 2016-បច្ចុប្បន្ន ដោយ vivo Mobile Communication Co., Ltd. រក្សាសិទ្ធិគ្រប់យ៉ាង។
អាសយដ្ឋានចុះបញ្ជី៖ ផ្ទះលេខ 168 ផ្លូវជីងហៃ អ៊ីស ក្រុងឆាងអាន ទីក្រុងតុងគួន ខេត្តតុងក្វាងទុង សាធារណរដ្ឋប្រជាមានិតចិន
បានធ្វើបច្ចុប្បន្នភាពចុងក្រោយ៖ ថ្ងៃទី 9 ខែវិច្ឆិកា ឆ្នាំ 2020